Losskakel
Losskakel (No. 10 of no. 22).
'n Losskakel is deurslaggewend vir 'n span se wedstrydplan; hulle neem leiding en rig die agterlyn. Hulle is gewoonlik die eerste om die bal van die skrumskakel te ontvang na 'n afbreek, lynstaan of skrum en moet beslissend wees met watter aksies om te neem en doeltreffend met die buiteagterspelers kommunikeer.
Goeie losskakels is kalm, helderdenkend en het die visie om effektiewe aanvallende spel te loods. Losskakels benodig goeie aangee- en skopvaardighede. Dikwels is die losskakel die beste skopper in die span en behoort verskillende soorte aanvallende skoppe te kan uitvoer, asook om vir grondgebied te skop. Meestal is die losskakel ook die span se stelskopper.
Plaasvervanging
Onder deesdae se plaasvervangerreëls, word die no. 10 vervang deur no. 22 vanaf die reserwebank. Dit kan enige tyd gedurende die wedstryd gebeur, bv. as gevolg van 'n besering, maar meestal is dit 'n taktiese verandering tussen die 50ste en 75ste minuut van die wedstryd.
Noemenswaardige losskakels
'n Paar bekende losskakels (almal Springbokke) ter illustrasie:
- Hansie Brewis
- Bennie Osler
- Naas Botha
- Joel Stransky
- Morne Steyn
- Patrick Lambie
- Elton Jantjies
- Handré Pollard
| Spelerposisies in rugby | ||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|