Lee Valley Velopark

Lee Valley Velopark is ’n fietsrysentrum in Stratford in Londen, as deel van die Koningin Elizabeth Olimpiese Park. Die baan word deur Lee Valley Streeksparkowerheid besit en bestuur en is in Maart 2014 vir die publiek oopgestel. Die fasiliteit was een van die vaste wedstrydplekke tydens die Olimpiese en Paralimpiese Somerspele van 2012.

Lee Valley Velopark
Volle naam Lee Valley Velopark
Ligging Koningin Elizabeth Olimpiese Park, Stratford, Londen
Koördinate 51°33′1.84″N 0°0′52.71″W
Eienaar Lee Valley Streeksparkowerheid
Operateur Olympic Delivery Authority
Kapasiteit 6 000
Konstruksie
Gebou 2009 - 2011
Geopen 2011
Boukoste £105 miljoen
Argitek Hopkins Architects, Grant Associates
Struktuuring. Expedition Engineering
Dienste-ing. BDSP
Huurders
Olimpiese Somerspele 2012

Lee Valley VeloPark lê aan die noordekant van Koningin Elizabeth Olimpiese Park. Die het ’n fietsry- en BMX-renbaan wat vir die Spele gebruik is, asook ’n een-myl-padfietsbaan en ’n agt-kilometer-bergfietsbaan.[1] Die park vervang die Eastway-fietsrybaan wat afgebreek is om plek te maak vir die Velopark. Die fasiliteite vir die Olimpiese Spele is tussen 2009 en 2011 gebou en die Velopark is vir die eerste keer in 2011 vir die Londense been van die UCI BMX Supercross-wêreldbekerreeks gebruik.

Bou

Op 12 Julie 2007 maak die Olympic Delivery Authority die argitekte na 'n ontwerperskompetisie bekend: Hopkins Architects, Expedition Engineering, BDSP en Grant Associates. Velopark sou volgens beplanning in 2011 klaar moes wees. Die Velopark-stadion bestaan uit 'n onderdak baan vir baan-fietswedrenne en 'n BMX-baan. Die BMX-gedeelte is buite langs die stadion geleë.

Buitekant: BMX-baan

Die buitenste BMX-gedeelte bestaan uit 'n 470 meter baan vir mans en 'n 430 meter baan vir dames. Beide bane het 'n kapasiteit van ongeveer 6 000 toeskouers. Daar is in Maart 2011 begin om die bane aan te lê. In Februarie 2012 is die eerste wedstryde reeds hier tydens die Wêreldbeker aangebied.

Binnekant: Renbaan

Die onderdakgedeelte (Velodrome) bevat 'n 250 meter lange renbaan, waarmee daar reeds in 2009 begin is. Die stadion het 'n kapasiteit van ongeveer 6 000 toeskouers en is reeds in 2011 vir die Wêreldbeker gebruik. Dit is ook tydens die Paralimpiese Somerspele 2012 gebruik.

Die Londen Velopark tydens die Wêreldbeker in Februarie 2012.
Die Londen Velopark tydens die Wêreldbeker in Februarie 2012.

Verwysings
  1. "Lee Valley Streeksparkowerheid – VeloPark" (in Engels). Leevalleypark.org.uk. 12 Junie 2007. Geargiveer vanaf die oorspronklike op 11 Februarie 2012. Besoek op 18 Oktober 2011.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.