Linksfield
Linksfield is ’n voorstad van Johannesburg, sowat 8 km noordoos van die stadsaal.
Linksfield | |
|---|---|
  Linksfield Linksfield se ligging in Gauteng | |
| Koördinate: 26°09′10″S 28°06′25″O | |
| Land |  Suid-Afrika |
| Provinsie | Gauteng |
| Munisipaliteit | Stad Johannesburg |
| Hoofplek | Johannesburg |
| Stigting | 8 Maart 1922 |
| Oppervlak | |
| • Totaal | 8,66 km2 (3,34 vk. myl) |
| Bevolking (2011)[1] | |
| • Totaal | 3 696 |
| • Digtheid | 427/km2 (1 110/vk. myl) |
| Rasverdeling (2011) | |
| • Wit mense | 63,8% |
| • Indiërs/Asiërs | 1,5% |
| • Bruin mense | 1,3% |
| • Swart mense | 33,1% |
| • Ander | 0,3% |
| Taal (2011) | |
| • Engels | 73,0% |
| • Zoeloe | 4,7% |
| • Noord-Sotho | 4,7% |
| • Afrikaans | 4,3% |
| • Ander | 13,3% |
Geskiedenis
Linksfield beslaan die noordoostelike uithoek van die plaas Doornfontein, waarop al Johannesburg se oostelike voorstede van Observatory in die noorde tot Denver in die suide aangelê is. Die voorstad is op 8 Maart 1922 geproklameer. Dit grens aan Fairwood in die suidweste, Orange Grove in die weste, Sydenham in die noordweste, Linksfield-Noord in die noordooste, Bedfordview in die ooste en Linksfield Ridge in die suide.
Linksfield en omgewing het tradisioneel ’n groot Joodse bevolking. Van agt King David-skole in die Goudstad se voorstede, is vier in Linksfield: ’n preprimêre (170 leerders in 2017), junior primêre (410), senior primêre (444) en sekondêre skool (763). In 1998 is die Royal Johannesburg & Kensington Golf Club opgerig.
Demografie
In die sensus van 2001 het Linksfield 1 003 inwoners gehad van wie 78,1% wit was en 21,6% swart. Tien jaar later, toe die grense vir sensusdoeleindes veel groter getrek is, was die inwonertal 3 696, van wie 2 358 (63,8%) wit was en 1 222 (33,1%) swart. Toe het 73% van die inwoners hul huistaal as Engels aangedui, vergeleke met 78,1% in 2001.
Bronne
- (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers.
- (en) Adrian Frith, sensus 2001. URL besoek op 4 Februarie 2018.
- (en) Adrian Frith, sensus 2011. URL besoek op 4 Februarie 2018.
Verwysings
- "Subplek Linksfield". Sensus 2011.