Limpopo Nasionale Park

Limpopo Nasionale Park; Parque Nacional do Limpopo (pt)
Land	Mosambiek
Provinsie	Gaza
	; Limpopo Nasionale Park
Koördinate: 23°52′0″S 32°08′0″O
Oppervlak	10 000 km²
Openingsjaar	27 November 2001
Bestuursliggaam	Direcção Nacional de Áreas de Conservação
Webblad	Limpopo Nasionale Park

Die Limpopo Nasionale Park is 'n wildreservaat in Mosambiek. Die park het ontstaan nadat die status van die Coutada 16 wildbenuttingsarea in Gazaprovinsie van 'n jaggebied na 'n beskermende gebied verander is. Die park maak nou deel uit van die Groter Limpopo Oorgrenspark saam met die Krugerwildtuin in Suid-Afrika en die Gonarezhou Nasionale Park in Zimbabwe.

Duitsland het R42 miljoen geskenk vir die ontwikkeling van die nuwe park. Die geld is bestee op omheining en jagvoorkomingseenhede. Die park is verdeel in drie aparte gebruiksones: 'n toeristesone, 'n wildernissone, en 'n hulpbronbenuttingsone (vir jag).

in die suide lê die Massingirdam in die Olifantsrivier en die dorpie Massingir, wat die administratiewe hoofkwartier van die nuwe park huisves. Die Limpoporivier maak die noordelike grens uit.

In 2001 is 'n groot hoeveelheid wild uit die Krugerwildtuin na die Limpopopark verskuif. Daar is ook 'n nuwe grenspos gebou tussen Suid-Afrika en Mosambiek in 2004, naamlik die Giriyondo Grenspos.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.