Likeur

’n Likeur is ’n alkoholiese drankie wat van gedistilleerde drank gemaak is en gegeur is met vrugte, room, kruie, speserye, blomme of neute, met ekstra suiker of ander versoeter bygevoeg. Hulle is gewoonlik taamlik soet; hulle word meestal nie lank verouder nadat die bestanddele gemeng is nie, hoewel hulle vir ’n ruk gelos word sodat die geure kan meng.

Koemkwatlikeurs van Corfu.

Geskiedenis

Likeurs kom histories van kruiemedisyne af; hulle is in die 13de eeu al in Italië gemaak – dikwels deur monnike. Deesdae word dit wêreldwyd op verskillende maniere voorgesit: net so, oor ys gegooi, saam met koffie, gemeng met room en ander mengmiddels om skemerkelkies te maak ens. Hulle word ook dikwels saam met of ná ’n nagereg voorgesit. Dit word ook gebruik om mee te kook.

Drankies met verskillend gekleurde lae word van likeurs gemaak: likeurs van verskillende kleure word stadig oor die agterkant van ’n lepel in ’n glas gegooi sodat die likeurs nie meng nie, en so word ’n gestreepte effek verkry.

Die term "likeur" kom van die Latynse woord liquifacere ("om vloeibaar te maak").

Galery
  • Bottels tuisgemaakte aarbeilikeur.
    Bottels tuisgemaakte aarbeilikeur.
  • Vana Tallinn is ’n Estiese likeur met rum as basis.
    Vana Tallinn is ’n Estiese likeur met rum as basis.
  • Kruielikeur wat in Oostenryk vervaardig word.
    Kruielikeur wat in Oostenryk vervaardig word.
  • Chartreuse is ’n Franse likeur wat sedert die 1740's deur monnike gemaak word.
    Chartreuse is ’n Franse likeur wat sedert die 1740's deur monnike gemaak word.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.