Lichun
Tradisionele Oos-Asiatiese maansonkalenders verdeel ’n jaar in 24 sontermyne.[1]
sontermyne
| Lengtegraad | Termyn | Datum |
|---|---|---|
| Lente | ||
| 315° | Lichun | 4-5 Februarie |
| 330° | Yushui | 18-19 Februarie |
| 345° | Jingzhe | 5-6 Maart |
| 0° | Chunfen | 20-21 Maart |
| 15° | Qingming | 4-5 April |
| 30° | Guyu | 20-21 April |
| Somer | ||
| 45° | Lixia | 5-6 Mei |
| 60° | Xiaoman | 21-22 Mei |
| 75° | Mangzhong | 5-6 Junie |
| 90° | Xiazhi | 21-22 Junie |
| 105° | Xiaoshu | 7-8 Julie |
| 120° | Dashu | 22-23 Julie |
| Herfs | ||
| 135° | Liqiu | 7-8 Augustus |
| 150° | Chushu | 23-24 Augustus |
| 165° | Bailu | 7-8 September |
| 180° | Qiufen | 23-24 September |
| 195° | Hanlu | 8-9 Oktober |
| 210° | Shuangjiang | 23-24 Oktober |
| Winter | ||
| 225° | Lidong | 7-8 November |
| 240° | Xiaoxue | 22-23 November |
| 255° | Daxue | 7-8 Desember |
| 270° | Dongzhi | 21-22 Desember |
| 285° | Xiaohan | 5-6 Januarie |
| 300° | Dahan | 20-21 Januarie |
Lichun (Chinees: 立春, pinyin: lì chūn) of risshun (Japannees: 立春) is die eerste sontermyn en die begin van die lente. Dit begin wanneer die son die luglengtegraad 315° bereik en eindig wanneer dit die lengtegraad 330° bereik. Dit verwys meer dikwels spesifiek na die dag wanneer die son presies op lengtegraad 315° is.
Volgens die Gregoriaanse kalender begin dit gewoonlik omstreeks 4 Februarie[2] en eindig dit omstreeks 18 Februarie (19 Februarie Oos-Asiatiese tyd). Dit is ook die begin van ’n 60-jaarsiklus.
Pentades
Elke sonjaar word in drie pentades verdeel. In China is die pentades van lichun:
- Eerste pentade: Oostewindontdooiing (東風解凍)
- Tweede pentade: Hibernerende insekte ontwaak (蟄蟲始振)
- Laaste pentade: Vis swem stroomop by ys (魚上冰)
Gebruike
Lichun dui tradisioneel op die begin van die lente in Oos-Asiatiese kulture. Die Chinese Nuwejaar word omtrent dié tyd gevier. Boere vier dikwels die begin van lichun met spesiale gebeure, offerandes aan die gode en seremonies vir ’n geseënde en voorspoedige nuwe jaar.[3]
Volgens die maansonkalender kan Nuwejaar voor of ná lichun val. ’n Jaar sonder lichun word ’n "jaar sonder lente", ’n "weduweejaar" of ’n "blindejaar" genoem. Troues in sulke jare word as ongelukkig beskou.[4]
In Singapoer deponeer mense op linchun geld in die bank omdat dit "goeie geluk kan bring".[5]
Verwysings
- "24 Sekki". Glossary. National Astronomical Observatory of Japan. Geargiveer vanaf die oorspronklike op 22 Oktober 2019. Besoek op 21 Maart 2016.
- Matsukawa, Mitsuharu. "24 Sekkis, or Twenty-Four Japanese Small Seasons" (in Engels). Nagoya University. Geargiveer vanaf die oorspronklike op 10 Mei 2015. Besoek op 21 Maart 2016.
- Farmer's Day Geargiveer 13 Desember 2006 op Wayback Machine
- 有关寡妇年
- "DBS/POSB employees receive February salary on 'auspicious' Li Chun" (in Engels). Geargiveer vanaf die oorspronklike op 15 Februarie 2019. Besoek op 4 Februarie 2016.
Eksterne skakels
Hierdie artikel is vertaal uit die Engelse Wikipedia
| Vorige termyn ← Dahan (大寒) |
Lichun (立春) | Volgende termyn Yushui (雨水) → |