Vleigeelbos

Die vleigeelbos (Leucadendron spissifolium subsp. spissifolium) is 'n blomdraende struik wat tot die genus Leucadendron behoort en deel van die fynbos-bioom vorm. Die plant is endemies aan die Wes-Kaap waar dit voorkom op die Gifberg en van die Sederberg tot die Kaapse Skiereiland en Kogelberg tot by Kampscheberg in die Langeberg.

Vleigeelbos
Wetenskaplike klassifikasie
Koninkryk:
Plantae
(geen rang):
Angiosperms
(geen rang):
Eudicots
Orde:
Proteales
Familie:
Proteaceae
Genus:
Leucadendron
Spesie:
L. spissifolium
Subspesie:
L. s. subsp. spissifolium
Trinomiale naam
Leucadendron spissifolium subsp. spissifolium
(Salisb. ex Knight) I.Williams
Sinonieme
  • Leucadendron buekianum Meisn.
  • Leucadendron glabrum R.Br.
  • Leucadendron marginatum Link
  • Leucadendron minus E.Phillips & Hutch.
  • Leucadendron riparium T.M.Salter
  • Leucospermum marginatum Spreng.
  • Protea buekiana (Meisn.) Kuntze
  • Protea ciliaris Roem. & Schult.
  • Protea ciliata Breiter
  • Protea glabra Kuntze
  • Protea marginata Willd.

Die struik word tot 1,3 m hoog en spruit weer uit na 'n brand. Die struik blom van September tot Oktober, daar is afsonderlike plante met manlike en vroulike blomme (eenslagtig), wat deur klein kewers bestuif word. Die sade word in 'n tol op die vroulike plant geberg en val eers grond toe na 'n brand. Die sade het vlerkies en word deur die wind versprei. Die plant groei hoofsaaklik op suidelike hellings in klam sandsteengrond op hoogtes van 0 - 1500 m.

In Engels staan dit as die Common spear-leaf conebush bekend.

Sien ook

Bronne

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.