Witteberg-tolbos
Die Witteberg-tolbos (Leucadendron cadens) is 'n blomdraende struik wat tot die genus Leucadendron behoort en deel van die fynbos-bioom vorm. Die plant is endemies aan die Wes-Kaap waar dit in die Witteberge suid van Matjiesfontein voorkom. Die plant word as seldsaam beskou.
| Witteberg-tolbos | |
|---|---|
| Wetenskaplike klassifikasie | |
| Koninkryk: | |
| (geen rang): | |
| (geen rang): | |
| Orde: | |
| Familie: | |
| Genus: | |
| Spesie: | L. cadens |
| Binomiale naam | |
| Leucadendron cadens I.Williams, 1972 | |
Die plant vrek na 'n brand maar die sade oorleef. Die sade word in 'n tol op die vroulike plant geberg, val eers grond toe nadat dit ryp geword het en word deur knaagdiere versprei. Die plant is eenslagtig en daar is afsonderlike plante met manlike en vroulike blomme, wat deur die wind bestuif word. Die plant groei hoofsaaklik op rotsagtige kwarsietriwwe.
In Engels staan dit as die Witteberg sunbush bekend.
Eksterne skakels
Wikimedia Commons het meer media in die kategorie Witteberg-tolbos.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.