Leslie Groves

Luitenant-generaal Leslie Richard Groves Jr. (17 Augustus 1896 – 13 Julie 1970) was 'n offisier van die Verenigde State se Army Corps of Engineers wat toesig gehou het oor die konstruksie van die Pentagon en daarna die Manhattan-projek gelei het, 'n uiters geheime navorsingsprojek wat die atoombom tydens die Tweede Wêreldoorlog ontwikkel het.

Leslie Groves
Leslie Groves

Leslie Groves as generaal-majoor

Geboortedatum 17 Augustus 1896
Geboorteplek Albany, New York, Verenigde State
Sterfdatum 13 Julie 1970 (73 jaar oud)
Sterfplek Washington D.C., Verenigde State
Lojaliteit Vlag van Verenigde State van Amerika Verenigde State
Diens/Tak VSA Leër
Jare in diens 1918–1948
Rang Luitenant-generaal
Eenheid Ingenieurskorps
Poste beklee Projekbestuurder van die Manhattan-projek

As die seun van 'n kapelaan in die Amerikaanse Leër, het Groves tydens sy kinderjare op verskillende plekke gewoon weens sy pa se militêre ontplooiings. In 1918 gradueer hy as vierde in sy klas aan die Amerikaanse Militêre Akademie te West Point en ontvang 'n kommissie in die US Army Corps of Engineers. In 1929 is hy na Nicaragua as deel van 'n ekspedisie om 'n opname vir die Inter-Oseaniese Nicaragua-kanaal te doen. Na die aardbewing in 1931 het Groves die watervoorsieningstelsel van Managua oorgeneem, waarvoor hy die Nicaraguaanse presidensiële verdienstemedalje ontvang het. Hy het die Command and General Staff School in Fort Leavenworth, Kansas, in 1935 en 1936 bygewoon; en die Army War College in 1938 en 1939, waarna hy in die generale staf van die Oorlogsdepartement aangestel is.

Groves ontwikkel 'n reputasie as 'n doener, 'n bestuurder en 'n ondersteuner van dienstigheid.[1] In 1940 word hy spesiale assistent vir die konstruksie van die kwartiermeester-generaal, met die taak om konstruksieterreine te ondersoek en te bepaal of dit vorder. In Augustus 1941 word hy aangestel om die reusagtige kantoorkompleks te skep vir die oorlogsdepartement se 40 000 personeel wat uiteindelik die Pentagon sou word.

In September 1942 neem Groves die leiding oor die Manhattan-projek. Hy was betrokke by die meeste aspekte van die ontwikkeling van die atoombom: hy het deelgeneem aan die keuse van terreine vir navorsing en produksie in Oak Ridge, Tennessee; Los Alamos, Nieu-Meksiko; en Hanford, Washington. Hy het die enorme konstruksiewerk gelei, kritieke besluite geneem oor die verskillende metodes vir isotoopskeiding, grondstowwe aangeskaf, die insameling van militêre intelligensie gerig op die Duitse kernwapenprogram en gehelp om die stede in Japan te kies wat as teikens geïdentifiseer is. Groves het die Manhattan-projek in veiligheid omhul, maar kon nie die Sowjetunie verhinder om 'n suksesvolle spioenasieprogram te voer wat van sy belangrikste geheime gesteel het nie.

Na die oorlog het Groves in beheer van die Manhattan-projek gebly totdat die verantwoordelikheid vir die produksie van kernwapens in 1947 aan die Amerikaanse atoomenergiekommissie oorgedra is. Hy was toe aan die hoof van die spesiale wapenprojek van die weermag, wat geskep is om die militêre aspekte van kernwapens te beheer. Die stafhoof van die leër, generaal van die leër Dwight D. Eisenhower, het hom eens toegesnou en gesê dat hy nooit as ingenieurshoof aangestel sal word nie. Drie dae later kondig Groves aan dat hy van plan is om die leër te verlaat. Hy is bevorder tot luitenant-generaal net voor sy uittrede op 29 Februarie 1948 as erkenning vir sy leierskap van die kernbomprogram. Deur 'n spesiale Kongreswet is sy rangdatum terugwerkend gestel tot 16 Julie 1945, die datum van die Trinity-kernwapentoets. Hy het daarna 'n vise-president by die maatskappy Sperry Rand geword.

Verwysings
  1. Norris, Robert S. (2002). Racing for the Bomb: General Leslie R. Groves, the Manhattan Project's Indispensable Man. South Royalton, Vermont: Steerforth Press. ISBN 1-58642-039-9. OCLC 48544060, bl. 25–28

Bronne
  • Ancell, R. Manning; Miller, Christine (1996). The Biographical Dictionary of World War II Generals and Flag Officers: The US Armed Forces. Westport, Connecticut: Greenwood Press. ISBN 0-313-29546-8. OCLC 33862161.
  • Bird, Kai; Sherwin, Martin J. (2005). American Prometheus: The Triumph and Tragedy of J. Robert Oppenheimer. New York: Alfred A. Knopf. ISBN 0-375-41202-6. OCLC 56753298.
  • Cullum, George W. (1930). Biographical Register of the Officers and Graduates of the US Military Academy at West Point New York Since Its Establishment in 1802: Supplement Volume VII 1920–1930. Chicago: R. R. Donnelly and Sons, The Lakeside Press. Besoek op 6 Oktober 2015.
  • Cullum, George W. (1940). Biographical Register of the Officers and Graduates of the US Military Academy at West Point New York Since Its Establishment in 1802: Supplement Volume VIII 1930–1940. Chicago: R. R. Donnelly and Sons, The Lakeside Press. Besoek op 6 Oktober 2015.
  • Cullum, George W. (1950). Biographical Register of the Officers and Graduates of the US Military Academy at West Point New York Since Its Establishment in 1802: Supplement Volume IX 1940–1950. Chicago: R. R. Donnelly and Sons, The Lakeside Press. Besoek op 6 Oktober 2015.
  • Ermenc, Joseph J., red. (1989). Atomic Bomb Scientists: Memoirs, 1939–1945. Westport, Connecticut: Meckler. ISBN 0-88736-267-2. OCLC 708445679.
  • Fine, Lenore; Remington, Jesse A. (1972). The Corps of Engineers: Construction in the United States. Washington, D.C.: United States Army Center of Military History. OCLC 834187.
  • Groves, Leslie (1962). Now It Can Be Told: The Story of the Manhattan Project. New York: Harper. ISBN 0-306-70738-1. OCLC 537684.
  • Herman, Arthur (2012). Freedom's Forge: How American Business Produced Victory in World War II. New York: Random House. ISBN 978-1-4000-6964-4. OCLC 756377562.
  • Jones, Vincent (1985). Manhattan: The Army and the Atomic Bomb. Washington, D.C.: United States Army Center of Military History. OCLC 10913875.
  • Lawren, William (1988). The General and the Bomb: A Biography of General Leslie R. Groves, Director of the Manhattan Project. New York: Dodd, Mead. ISBN 0-396-08761-2. OCLC 6868107.
  • Nichols, Kenneth D. (1987). The Road to Trinity. New York: William Morrow and Company. ISBN 0-688-06910-X. OCLC 15223648.
  • Norris, Robert S. (2002). Racing for the Bomb: General Leslie R. Groves, the Manhattan Project's Indispensable Man. South Royalton, Vermont: Steerforth Press. ISBN 1-58642-039-9. OCLC 48544060.
  • Rhodes, Richard L. (1986). The Making of the Atomic Bomb. New York: Simon and Schuster. ISBN 0-671-44133-7. OCLC 13793436.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.