Leo IV-dwergsterrestelsel

Die Leo IV-dwergsterrestelsel is ’n satellietstelsel van die Melkweg in die sterrebeeld Leeu (Leo). Dit is in 2006 ontdek in data van die Sloan- Digitale Lugopname.[1] Die stelsel is sowat 590 000 ligjare van die Son af en beweeg weg van die Son teen ’n snelheid van sowat 130 km/s.[1]

Leo IV-dwergsterrestelsel
Leo IV is een van meer as ’n dosyn dowwe dwergsterrestelsels wat deel vorm van die Melkweg-subgroep.
Leo IV is een van meer as ’n dosyn dowwe dwergsterrestelsels wat deel vorm van die Melkweg-subgroep.
Soort stelselDwergsterrestelsel
SterrebeeldLeeu (Leo)
TipedSph
Waarnemingsdata (Epog J2000)
Regte klimming11h 32m 57s
Deklinasie-00º 32' 00"
Skynmagnitude15,9
Besonderhede
Afstand (ligjaar)590 000
Skynbare grootte 5′,7
KenmerkeMelkwegsatelliet
Ander nameGeen
Portaal  Portaalicoon   Sterrekunde

Leo IV is een van die Melkweg se kleinste en dofste satellietstelsels. Dit het ’n absolute magnitude van −5,5, wat laer is as ’n tipiese bolvormige sterreswerm. Dit het egter ’n massa van 1,5 miljoen sonmassas. Die verhouding tussen ligsterkte en massa is sowat 150, en so ’n groot verhouding dui daarop dat Leo IV oorheers word deur baie donkermaterie.

Die sterre in Leo IV is meestal ouer as 12 miljard jaar, byna so oud soos die heelal self, en is arm aan metale. Hulle is meestal rooi reuse, hoewel ’n paar veranderlike RR Lyrae-sterre en ’n klein aantal sterre van jonger as 2 miljard jaar ook ontdek is. Dit dui daarop dat die geskiedenis van stervorming in Leo IV baie kompleks is.[2] Daar vind tans geen stervorming plaas nie.

In 2008 is nog ’n sterrestelsel, die Leo V-dwerg, naby Leo IV gevind. Dié twee stelsels kan fisiek gebonde wees.[3]

Verwysings
  1. Belokurov, V.; Zucker, D.B.; Evans, N.W.; Kleyna, J.T.; Koposov, S.; Hodgkin, S.T.; Irwin, M.J.; Gilmore, G.; Wilkinson, M.I. (2007). "Cats and Dogs, Hair and a Hero: A Quintet of New Milky Way Companions". The Astrophysical Journal. 654 (2): 897. doi:10.1086/509718.
  2. Sand, David J.; Seth, Anil; Olszewski, Edward W. (2010). "A Deeper Look at Leo IV: Star Formation History and Extended Structure". The Astrophysical Journal. 718: 530–42. arXiv:0911.5352. Bibcode:2010ApJ...718..530S. doi:10.1088/0004-637X/718/1/530.
  3. Belokurov, V.; Walker, M.G.; Evans, N.W. (2008). "Leo V: A companion of a companion of the Milky Way galaxy". The Astrophysical Journal. 686 (2): L83–L86. arXiv:0807.2831. Bibcode:2008ApJ...686L..83B. doi:10.1086/592962.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.