Lengtegraad

'n Lengtegraad (of meridiaan) is 'n geografiese koördinaat wat die oos-wes posisie van 'n punt op die Aarde se oppervlak aandui. Dit is 'n hoekmeting, gewoonlik uitgedruk in grade, en aangedui deur die Griekse letter lambda (λ). Plekke met dieselfde lengtegraad lê op lyne wat van die Noordpool na die Suidpool strek.

Lengtegrade

Die historiese Nulmeridiaan aangedui by Flamsteed House in Greenwich.

Deur konvensie, bevestig die nulmeridiaan die posisie van die nul grade lengtelyn. Vervolgens word die lengtegraad van ander plekke op aarde as die hoek oos of wes van die nulmeridiaan gemeet, wat wissel van 0° op die nulmeridiaan tot +180° ooswaarts en -180° weswaarts. Die nulmeridiaan loop deur die Koninklike Observatorium in Greenwich, Engeland.

Spesifiek, is dit die hoek tussen 'n vlak met die nulmeridiaan en 'n vlak met die Noordpool, Suidpool en die plek in die vraag. Hierdie vorm 'n regshandige koördineerstelsel met die z-as (regterduim) wat wys van die middel van die aarde se rigting van die Noordpool en die x-as (regterwysvinger) wat strek vanaf die sentrum van die Aarde deur die ewenaar op die nulmeridiaan.