Leipoldtville

Leipoldtville, 'n dorpie in die Sandveld aan die Weskus van Suid-Afrika, het deur die toedoen van die Nederduitse Gereformeerde Kerk tot stand gekom. Dit is sowat 40 km wes-suidwes van Clanwilliam en 27 km suidoos van Lambertsbaai geleë.

Leipoldtville
'n Kerk in Leipoldtville
'n Kerk in Leipoldtville
Leipoldtville is in Wes-Kaap
Leipoldtville
Leipoldtville
 Leipoldtville se ligging in Wes-Kaap
Koördinate: 32°13′19″S 18°28′52″O
LandVlag van Suid-Afrika Suid-Afrika
ProvinsieWes-Kaap
DistrikWeskus
MunisipaliteitCederberg
Stigting1905
Oppervlak
 • Totaal0,65 km2 (0,25 vk. myl)
Bevolking
 (2011)[1]
 • Totaal298
 • Digtheid458/km2 (1 190/vk. myl)
Rasverdeling (2011)
 • Wit mense11.1%
 • Indiërs/Asiërs1.7%
 • Bruin mense79.5%
 • Swart mense7.7%
Taal (2011)
 • Afrikaans 96.3%
 • Engels 1.7%
 • Ander 2.0%
Skakelkode027

Geskiedenis

Op 31 Januarie 1905 vergader die ringskommissie van die Ring van Clanwilliam saam met lede van die gemeente Clanwilliam wat in die Sandveld op die destydse Onderlangvallei (tans Leipoldtville) gewoon het, om die Sandveld tot afsonderlike gemeente af te stig. As gevolg van die ywer van ds. C.F. Leipoldt, van 1884 tot 1910 leraar op Clanwilliam en vader van die beroemde Afrikaanse digter C. Louis Leipoldt, word die afgestigte gemeente na hom genoem.

Die eerste leraar was ds. P. de Waal van 1905 tot 1909. Graafwater en Lambertsbaai was destyds buitewyke van die gemeente waar kerksale mettertyd opgerig is. Die kerkgebou op Leipoldtville self is in grootte, sierlikheid en doeltreffendheid uniek vir 'n dorpie van Leipoldtville se grootte.

In 1946 is die gemeente daartoe in staat om die grootste gedeelte, die huidige gemeente Graafwater, as afsonderlike gemeente af te stig. Na die langste vakature in die geskiedenis word ds. G.J.N. Maass op 12 Februarie 1949 bevestig.

Die gemeente handhaaf sy volwasse lidmaattal goed van 197 in 1972 tot 185 in 2010. Sy 100-jarige bestaan het in 2005 met 'n groot fees gepaard gegaan.

Sien ook

Verwysings
  1. "Hoofplek Leipoldtville". Sensus 2011.

Bronne
  • Phil Olivier (samesteller), Ons gemeentelike feesalbum. Kaapstad en Pretoria: N.G. Kerk-uitgewers, 1952.
  • Raper, P.E., Dictionary of South African Place Names, Lowry Publishers, Johannesburg, 1987.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.