Langebaan

Langebaan is een van die snelgroeiendste kusdorpe in Suid-Afrika, sowat 120 km noord van Kaapstad en sowat 15 km suidoos van Saldanha aan die Langebaan-strandmeer in die munisipale gebied Saldanhabaai geleë. Die dorp is in die landdrosdristrik Hopefield geleë. Vanaf vroeg 2007 sit die hof elke Dinsdag ook op Langebaan in die veeldoelige gemeenskapsentrum.

Langebaan
Dorp
Langebaan is in Wes-Kaap
Langebaan
Langebaan
 Langebaan se ligging in Wes-Kaap
Koördinate: 33°5′30″S 18°2′0″O
LandVlag van Suid-Afrika Suid-Afrika
ProvinsieWes-Kaap
DistrikWeskus
MunisipaliteitSaldanhabaai
Oppervlak
 • Totaal20,17 km2 (7,79 vk. myl)
Bevolking
 (2011)[1]
 • Totaal8 297
 • Digtheid411/km2 (1 060/vk. myl)
Rasverdeling (2011)
 • Wit mense56.0%
 • Indiërs/Asiërs0.5%
 • Bruin mense34.7%
 • Swart mense7.4%
 • Ander1.4%
Taal (2011)
 • Afrikaans 76.2%
 • Engels 19.2%
 • Xhosa 1.3%
 • Ander 3.3%
Poskode (strate)
7357
Poskode (posbusse)
7357
Skakelkode022
Webwerfhttp://www.saldanhabay.co.za
Die Weskus Nasionale Park lê net suid van Langebaan
Langebaan is 'n gewilde vakansie-oord

Geskiedenis

Die eerste persoon wat hom hier gevestig het was 'n matroos, William Smith, wie se afstammelinge nog steeds hier woon. In die 1820's het lord Charles Somerset 'n jaghut gebou op die plaas Oostewal. Die dorp is op die plaas Geitenmelksfontein ('Bokmelkfontein') gestig in 1870.

Die dorp Langebaan is in 1922 gestig en tot die 1960's was die walvisstasie by Donkergat in gebruik.[2]

Wapen

Langebaan se munisipale raad het in 1978 'n wapen by die Buro vir Heraldiek geregistreer : In goud, 'n keper van rooi belaai met drie heraldiese fonteine, in die skildhoof vergesel van twee galeie met seile ingehaal, alles van blou, vlae en wimpels wapperend van rooi, en in die skildvoet van 'n swemmende dolfyn van blou. Die helmteken was 'n blou skulp en die wapenspreuk "E mare tranquillitas".[3]

Besienswaardighede

Die dorp se hoofaantrekkings buiten die meer is die nabygeleë Weskus Nasionale Park, watersport, veldblomme in die lente en Club Mykonos, 'n kasino en vakansie-oord in Griekse styl.

Voëlkykers besoek die gebied om meer as 300 spesies voëls in die strandwater van die Weskus Nasionale Park te sien. Die park is die besigste gedurende die lente blom seisoen (Augustus tot September) as die wilde blomme in bloem.[2] Walvisse kan gedurende Oktober en November gesien word.

Bevolking

Volgens die 2011-sensus het Langebaan 8 300 inwoners gehad. Na raming is 56% van die inwoners wit en oor die algemeen welgesteld.

Opvoeding

Langebaan het een staatskool, die Primêre Skool Langebaan, asook 'n privaat laerskool, Topolino, en 'n privaat, gekombineerde skool, Curro, wat in 2007 met onderrig begin het.

Sien ook

Bronne
  • Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.
  • Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.

Verwysings
  1. "Hoofplek Langebaan". Sensus 2011.
  2. Welcome to Langebaan!. www.langebaaninfo.co.za. URL besoek op Junie 19, 2010.
  3. National Archives of South Africa : Data of the Bureau of Heraldry.

Eksterne skakels

Galery
  • Langebaan, vanaf die Weskus Nasionale Park
    Langebaan, vanaf die Weskus Nasionale Park
  • Langebaan, vanaf die Weskus Nasionale Park
    Langebaan, vanaf die Weskus Nasionale Park
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.