Landwinning

Landwinning, of aanwinning, is die skep van nuwe landoppervlak deur die drooglegging van byvoorbeeld die see of riviere, die uitroeiing van bome, ens.

Uitsig van die Kasteel die Goeie Hoop in Kaapstad af op Strandstraat. Die kasteel was oorspronklik langs die see.

Omdat landwinning relatief duur is, word dit gewoonlik net in gebiede gedoen waar ’n ernstige tekort aan ruimte bestaan. Nederland is byvoorbeeld bekend vir sy lang tradisie van landwinning (die Beemster, Haarlemmermeer, Maasvlakte en IJburg). In België is land uit die Noordsee aangewin vir die seehawe van Brugge.

Ook dig bewoonde staatjies soos Monaco, Singapoer, Hongkong en Macau het ’n groot deel van hul grond so verkry. Stede soos Kaapstad, New York en Tokio het ook groot stukke nuwe grond geskep.