Lamba

’n Lamba is die tradisionele kledingstuk van mans en vroue van Madagaskar. Die materiaal, wat baie emblemies van die Malgassiese kultuur is, is ’n reghoekige stuk lap wat om die liggaam gedraai word.[1]

Kleurvolle lambas
’n Sakalava-lamba.

Tradisionele lambas wat vir begrafnisse gebruik is, is dikwels van sy en beesvelle gemaak, terwyl dié vir algemene gebruik meer dikwels van raffia, varkvel, katoen of basvesel is. Hulle kan wissel in kleur – van wit, gestreep en die swart-en-wit wat in die meeste dele van die eiland aangetref word, tot met geometriese patrone in unieke skakerings van groen en bruin wat op ’n paar Sakalava-dorpies gemaak word en die helder, veelkleurige, ingewikkelde patrone wat gewild onder die prekoloniale Merina-aristokrasie was.[2]

Benewens as ’n algemene kledingstuk, word die lamba ook gebruik om babas aan die ma se rug vas te maak of as ’n kussing wanneer swaar voorwerpe op die kop gedra word. Die lamba word ook ritueel gebruik om ’n lyk in toe te draai voordat dit in die familiegraftome geplaas word.

Lambas in ’n winkel.

Verwysings
  1. Tortora, P.G. & Merkel, R.S. (1996). Fairchild's Dictionary of Textiles. New York: Fairchild Publications.
  2. Turner, J. (red.). (1996). "Madagascar", in The Dictionary of Art, Volume 20. Londen: Macmillan Publishers Limited.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.