Lake Placid
Lake Placid (afgelei van die Engelse byvoeglike naamwoord placid: "kalm", "rustig", "vreedsaam") is die naam van 'n dorp en 'n meer in die Adirondack-gebergte in Essex County (New York, Verenigde State). Lake Placid het 'n bevolking van 2 357 in 2019 gehad. Die dorp is na die meer vernoem.
Village of Lake Placid | |
|---|---|
Dorp | |
 Lake Placid – die meer | |
  Village of Lake Placid Lake Placid – die meer | |
| Koördinate: 44°17′8″N 73°59′7″W | |
| Land |  Verenigde State |
| Deelstaat |  New York |
| County | Essex |
| Regering | |
| • Burgemeester | Art Devlin |
| Oppervlak | |
| • Totaal | 3,98 km2 (1,54 vk. myl) |
| • Land | 3,55 km2 (1,37 vk. myl) |
| • Water | 0,43 km2 (0,17 vk. myl) |
| Hoogte | 549 m (1 801 ft) |
| Bevolking | |
| • Totaal | 2 357 |
| • Digtheid | 663,73/km2 (1 719,18/vk. myl) |
| Tydsone | UTC-5 (OST) |
| • Somertyd | UTC-4 (ODT) |
| Webwerf | lakeplacid.com |
Die dorp Lake Placid, 'n gewilde skioord, is naby die stadsentrum van North Elba geleë, sowat 40 myl suidwes van Plattsburgh. Die meer vorm saam met die nabygeleë Saranac Lake en Tupper Lake die sogenaamde Tri-Lakes-gebied.
Lake Placid het internasionale bekendheid verwerf as die gasheerdorp van die Olimpiese Winterspele in 1932 en 1980. Dit is saam met St. Moritz in Switserland en Innsbruck in Oostenryk een van slegs drie plekke waar die Olimpiese Winterspele twee keer gehou is. Naas Los Angeles is Lake Placid die enigste plek in Noord-Amerika wat twee keer as gasheerstad van Olimpiese Spele opgetree het.
Geografie
Die meer
Die Lake Placid-meer is in die Adirondack-gebergte in die noorde van die deelstaat New York geleë en het 'n oppervlakte van sowat 2 170 akkers met 'n gemiddelde diepte van 50 voet. Die meer word deur bronne en bergstrome gevoed.
Die noordelike gedeelte van die dorp Lake Placid is aan die oewer van die meer geleë wat die dorp se hoofbron van drinkwater is. Die bewaring van die watergehalte is van groot belang vir die dorp. Die meeste van die sowat driehonderd huise langs die oewer word nie heeltyds bewoon nie sodat waterbesoedeling voorkom word, en hulle kan grotendeels net per boot bereik word.
Die plaaslike owerhede het suksesvolle pogings onderneem om die verspreiding van uitheemse akwatiese indringerspesies te voorkom, en motorbote word by 'n plaaslike stasie skoongemaak voordat hulle in die meer te water gelaat word. In Lake Placid is reeds rekord-forelle gevang.
Eksterne skakels
Wikimedia Commons het meer media in die kategorie Lake Placid.- (en) Toerisme-inligting oor Lake Placid op Wikivoyage
- (en) Amptelike webwerf
