Kristalsisteem
'n Kristalsisteem beskryf die uitwendige simmetrie van 'n goedgevormde kristal. Hoewel die inwendige simmetrie daarvan in 230 ruimtegroepe beskryf word wat tot 32 kristalklasse en 14 Bravais-tralies behoort, kan hierdie inwendige simmetrie net met metodes soos X-straalkristallografie bepaal word. 'n Geoloog kan in die veld net die uitwendige simmetrie bekyk en dit val in net ses kristalsisteme. Een daarvan, die heksagonale sisteem word nogtans dikwels nog onderverdeel in drie divisies. Die kristalsisteme en hul divisies en kenmerke word in die volgende tabel gegee.[1]
| Sisteem | Divisie | Vorm-kenmerke | Dubbelbreking |
|---|---|---|---|
| Isometries (kubies) | Vier drietallige asse onder 109 grade | isotroop | |
| Heksagonaal | Heksagonaal | ’n Sestallige as | Eenassig |
| Trigonaal | Een drietallige as; hoeke 60/120 en 90 grade | ||
| Romboëdries | Een drietallige as; 'n hoek ≠ 60,90,120 | ||
| Tetragonaal | 'n Viertallige as | Eenassig | |
| Ortorombies | Hoeke 90 | Tweeassig | |
| Monoklinies | Een hoek ≠ 90 | Tweeassig | |
| Triklinies | Alle hoeke ≠90 | Tweeassig |
Verwysings
- "geology in" (in Engels). Geargiveer vanaf die oorspronklike op 23 Oktober 2019. Besoek op 13 Augustus 2017.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.