Krieket PNG

Krieket PNG (Engels: Cricket PNG, afgekort “CPNG”), voorheen bekend as die Papoea-Nieu-Guinese Krieketbeheerraad (Papua New Guinea Cricket Board of Control, “PNGCBC”), is die bestuursliggaam wat krieket in Papoea-Nieu-Guinee beheer en is in Port Moresby gesetel. Die beheerliggaam is in 1972 gestig. Sedert 1973 verteenwoordig dit Papoea-Nieu-Guinee by die Internasionale Krieketraad (IKR) as ’n assosiaatlid en ook by IKR Oos-Asië-Pasifiek (ICC East Asia-Pacific).

Krieket PNG
Kenteken van Krieket PNG
Kenteken van Krieket PNG
Engelse naam Cricket PNG
Afkorting CPNG
Land Vlag van Papoea-Nieu-Guinee Papoea-Nieu-Guinee
Sportsoort Krieket
Stigting 1971
Lid van Internasionale Krieketraad
Aangesluit in 1973
Vastelandse beheerliggaam IKR Oos-Asië-Pasifiek
Voorsitter Helen Macindoe
Hoof- uitvoerende beampte Greg Campbell
Setel Port Moresby, Papoea-Nieu-Guinee
Amptelike taal Engels
Amptelike webwerf cricketpng.org.pg

Geskiedenis

Krieket PNG is in 1972 as die Papoea-Nieu-Guinese Krieketbeheerraad gestig. Een jaar later het dit ’n assosiaatlid van die Internasionale Krieketraad (IKR) geword.[1]

Taak

Krieket PNG organiseer verskeie nasionale spanne, insluitend Papoea-Nieu-Guinee se nasionale seniorkrieketspan vir mans, vroue en jeug. Hulle is ook verantwoordelik vir die bestuur en organisasie van T20I-reekse teen ander spanne, en vir die reëling van internasionale wedstryde tuis. Daarbenewens is Krieket PNG verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Papoea-Nieu-Guinese span. Talle nasionale spelers vervul verskeie rolle by die beheerliggaam.[2]

Daarbenewens bestuur die beheerliggaam kinder- en jeugkrieket in Papoea-Nieu-Guinee. Net soos ander krieketlande beskik Papoea-Nieu-Guinee oor ’n o/19-nasionale span wat aan die o/19-krieketwêreldbeker deelneem.[3]

Verwysings
  1. (en) "Cricket PNG". Internasionale Krieketraad. Besoek op 13 Februarie 2024.
  2. (en) Peter Della Penna (1 November 2019). "Papua New Guinea's rise as Associate cricket's heroes". ESPNcricinfo. Besoek op 13 Februarie 2024.
  3. (en) Martin Williamson (11 Januarie 2006). "The Under-19 World Cup". ESPNcricinfo. Besoek op 13 Februarie 2024.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.