Kouebokkeveldberge

Die Kouebokkeveldberge, is 'n bergreeks in die Wes-Kaapprovinsie, Suid-Afrika. Geologies is die reeks saamgestel uit Sederbergsandsteen van die Kaapse stelsel.

Gesplete rotsmassa van Sederbergsandsteen

Ligging en omvang

Dit is bokant Prince Alfred Hamlet geleë, noord van Ceres, en suid en oos van Citrusdal. Die reeks loop in 'n WNW-OSO-rigting met 'n hoë platorand aan sy suidelike en suidwestelike kant. Hoogtes van die reeks is gemiddeld 1 600 m en daar is dikwels sneeu in die winter. Hierdie hoogtes is een van die koudste plekke in die Wes-Kaap in die winter.[1]

Dreinering

Die Kouebokkeveld val binne die Olifants/Doring-stelsel en die Doringrivier het sy bronne in hierdie reeks, wat aansienlik bydra tot die vloei van die Olifants-opvanggebied.

Ekologie

Die flora van die Kouebokkeveld is soortgelyk aan die Sederbergflora, met bergfynbos op hoë hoogtes, Karooplantegroei op die laer hange en kolle bergsipres. Plante soos die geelbos, 'n spesie van Leucadendron, kan hier gevind word.[2]

Artefakte

Daar is antieke San-rotskuns by 'n plek genaamd Katbakkies.[3] ’n Meteoriet het in 1838 op die Koue Bokkeveld neergestort. Dit staan bekend as die Koue Bokkeveld- of CM2-meteoriet.[4] Die meteorietfragmente was versprei en die meeste daarvan is nou verlore.[5]

Verwysings
  1. "Ceres and The Koue Bokkeveld". Geargiveer vanaf die oorspronklike op 23 Maart 2010. Besoek op 30 Maart 2012.
  2. Oil Bract Conebushes - Leucadendrons
  3. Rock-Paintings at Katbakkies, Koue Bokkeveld, Cape
  4. Koue Bokkeveld meteorite
  5. English museum accused of cashing in on SA meteorite
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.