Koreane

Die Koreane (Hangoel: 한민족; hanja: 韓民族; alternatiewelik Hangoel: 조선민족; hanja: 朝鮮民族) is 'n inheemse etniese groep in Korea en Mantsjoerye.[7] Hulle vorm die inheemse bevolking van beide Noord- en Suid-Korea en praat hoofsaaklik Koreaans. In die laaste eeu het die 7 miljoen mense van die Koreaanse diaspora langs die Stille Oseaanrand versprei, veral na die Volksrepubliek China, die Verenigde State en Japan. In die Volksrepubliek China behoort die Koreane tot een van 56 die amptelik erkende etniese groepe ("nasionaliteite").

'n Koreaanse paartjie geklee in die tradisionele hanbok

Hierdie artikel handel oor die etniese groep in Oos-Asië. Vir die taal, sien Koreaans.

Koreane
Totale bevolking:	ca. 83 miljoen
Belangrike bevolkings  in:	Suid-Korea 50 423 955[1]  Noord-Korea 25 300 000[2]  Volksrepubliek China 2 573 928[3]  Verenigde State 2 091 432[3]  Japan 892 704[3]  Kanada 215 993[3]  Rusland 176 411[3]  Oesbekistan 173 832[3]  Australië 156 865[3]  Kasakstan 105 483[3]  Filippyne 88 102[3]  Viëtnam 86 000[3]  Meksiko 51 800[3]  Brasilië 49 511[3]  Verenigde Koninkryk 44 749[3]  Indonesië 40 284[3]  Duitsland 33 774[3]  Nieu-Seeland 30 527[3]  Argentinië 22 580[3]  Singapoer 20 330[3]  Thailand 20 000[3]  Kirgisië 18 403[3]  Frankryk 14 000[3]  Maleisië 14 000[3]  Oekraïne 13 083[3]  Guatemala 12 918[3]  Indië 10 397[3]  Verenigde Arabiese Emirate 9 728[3]  Swede 7 250[3]  Saoedi-Arabië 5 145[3]  Paraguay 5 126[3]  Kambodja 4 372[3]  Republiek van China 4 304  Suid-Afrika 3 300[4]  Ecuador 2 000
Taal:	Koreaans
Geloofsoortuiging:	Oorwegend ongebonde. Groot dele is aanhangers van Christendom, Koreaanse Boeddhisme, Koreaanse sjamanisme, Sjintoïsme. Agtergrond van Koreaanse Confucianisme.[5][6]
Verwante etniese groepe:

Suid-Koreane verwys na hulself as Hanguk-in (Hangoel: 한국인; hanja: 韓國人) of Hanguk-saram (Hangoel: 한국 사람), albei beteken "Mense van die Koreaanse land." Wanneer hulle na mense van die Koreaanse diaspora verwys, gebruik Koreane dikwels die term Han-in (Hangoel: 한인; hanja: 韓人; letterlik "Koreaanse mense").

Noord-Koreane verwys na hulself as Joseon-in (Hangoel: 조선인; hanja: 朝鮮人) of Joseon-saram (Hangoel: 조선 사람), albei beteken letterlik "Joseon-mense". Met soortgelyke woorde verwys Koreane in China na hulself as Chaoxianzu (Chinees: 朝鲜族) of Joseonjok (Hangoel: 조선족) in Koreaans wat kognate is en letterlik "etniese groep Joseon" beteken.

Etniese Koreane wat in Rusland en Sentraal-Asië woon verwys na hulself as Koryo-Saram (Hangoel: 고려 사람; Cyrilliese alfabet: Корё сарам), wat afgelei is van Goryeo, 'n Koreaanse dinastie tussen 918 en 1392.