Kopties-Ortodokse Kerk

Die Kopties-Ortodokse Kerk van Alexandrië is die grootste Christelike kerk in Egipte en Noordoos-Afrika.

Volgens tradisie is die kerk in die middel van die 1ste eeu (omstreeks 42 n.C.) gestig deur die apostel en evangelis Markus.[1] Die hoof van die kerk en die aartsbisdom van Alexandrië is die "Patriarg van Alexandrië en die Heilige Aartsbisdom van Sint Markus", wat ook die titel "Koptiese pous" het. Die aartsbisdom van Alexandrië is net in naam; die Koptiese pous se setel is vandag in Kaïro.

Die Koptiese Kerk behoort tot die Oriëntaal-Ortodokse kerkgroep, wat afgestig het van die Oosters-Ortodokse en Rooms-Katolieke Kerk ná die Konsilie van Chalcedon in 451 n.C. omdat dit ’n ander siening gehad het van Christologie. Die presiese aard van die onmin wat tot die skeuring gelei het, is baie tegnies en het hoofsaaklik te doen met die natuur van Christus. Die kerk het sy wortels in Egipte, maar het ’n wêreldwye aanhang.

Verwysings

Eusebius van Caesarea, die skrywer van Ecclesiastical History in die 4de eeu, sê Markus het in die eerste of derde jaar van keiser Claudius se bewind na Egipte gekom, dus in 41 of 43 n.C. Two Thousand years of Coptic Christianity, Otto F. A. Meinardus, bl. 28.

Eksterne skakels

Amptelike webtuiste van die Koptiese pous Geargiveer 12 Junie 2010 op Wayback Machine

Wikimedia Commons het meer media in die kategorie Kopties-Ortodokse Kerk.
Hierdie artikel is vertaal uit die Engelse Wikipedia

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[Church_History_p28-1] Eusebius van Caesarea, die skrywer van Ecclesiastical History in die 4de eeu, sê Markus het in die eerste of derde jaar van keiser Claudius se bewind na Egipte gekom, dus in 41 of 43 n.C. Two Thousand years of Coptic Christianity, Otto F. A. Meinardus, bl. 28.