Koperindiumselenied

Koperindiumselenied is 'n selenied van koper in sy +1 oksidasietoestand en indium in sy +3 toestand. Die formule van die stoigiometriese vorm is CuISe₂. Dit word dikwels α-CIS genoem.

**Eienskappe**
Algemeen
Naam	Koperindiumselenied
Struktuurformule van
Chemiese formule	CuInSe₂
Molêre massa	336,28 [g/mol][1]
CAS-nommer	12018-95-0[1]
Voorkoms	grysswart
Reuk	Reukloos[1]
Fasegedrag
Selkonstantes	a=578,4 pm ; c=1161,6 pm[2]
Ruimtegroep	I42d
Nommer	122
Strukturbericht	E1₁
Smeltpunt	968 °C[2]
Kookpunt
Digtheid
Oplosbaarheid	onoplosbaar
Suur-basis eienskappe
pKa
Veiligheid
Flitspunt	nie-brandbaar
Tensy anders vermeld is alle data vir standaardtemperatuur en -druk toestande.

Portaal Chemie

α-CIS is 'n halfgeleier met 'n direkte bandgaping van ongeveer 1,04 eV. Hierdie halfgeleier kan in sonselle aangewend word. Die doeltreffendheid as fotovoltaïese materiaal het in 1975 vir die eerste keer die 'magiese' 10% oortref en sedertdien is daar baie navorsing op hierdie verbinding en variasies soos CIGS (waar indium gedeeltelik deur gallium vervang is).[2] Dunne lae van CIGS word nu as kommersiële selle aangebied. Mengkristalle kan gevorm word tussen CuInSe₂ en CuGaSe₂. Dit vergroot die bandgaping tot 1,68 eV vir die suiwer galliumverbinding. Hoewel in die laboratorium doeltreffendhede van >20% bereik is, is kommersiële CIGS s'n gewoonlik 12%-14%.[3]

Kristalstrukture

Die α-fase van koperindiumselenied, wat by kamertemperatuur stabiel is, kristalliseer in die chalkopiriet-struktuur, wat in die strukturbericht-klassifikasie die E1₁-tipe genoem word. Hierdie struktuur is 'n geordende weergawe van die sfaleriet-struktuur (B3) met metaalatome in die tetraëderholtes binne 'n kubiese digpakking. Die α-fase ondergaan kongruente eerste orde oorgang na die wanordelike sfalerietstruktuur (α->δ teen 810°C). Dit smelt byna kongruent teen 986°C.

Die α-fase kan effens nie-stiogiometries wees in die indiumryke rigting maar nie in die koperryke rigting nie. Die δ-fase het 'n taamlik wye homogeniteitsgebied.

Verwysings

"MSDS" (PDF). Fisher. Besoek op 6 September 2023.
Billy J. Stanbery (2002). "Copper Indium Selenides and Related Materials for Photovoltaic Devices". Critical Reviews in Solid State and Materials Sciences. 27 (2): 73–117.{{cite journal}}: AS1-onderhoud: gebruik authors-parameter (link)
"Copper Indium Gallium Diselenide". DOE.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[Lts-1] "MSDS" (PDF). Fisher. Besoek op 6 September 2023.

[Billy-2] Billy J. Stanbery (2002). "Copper Indium Selenides and Related Materials for Photovoltaic Devices". Critical Reviews in Solid State and Materials Sciences. 27 (2): 73–117.{{cite journal}}: AS1-onderhoud: gebruik authors-parameter (link)

[3] "Copper Indium Gallium Diselenide". DOE.