Kookhuis

Kookhuis (ook bekend as Cookhouse in Engels) is ’n klein dorp in die Oos-Kaapprovinsie, Suid-Afrika. Die N10 nasionale pad loop deur Kookhuis en die naaste groot dorp is Somerset-Oos. Dit is ’n belangrike spoorwegaansluiting; die hooftrajek tussen Johannesburg en Gqeberha loop deur Kookhuis. Die spoorlyn vanaf Gqeberha (ou Port Elizabeth) het Kookhuis teen 1880 bereik. Daar is ook taklyne na Somerset-Oos en nog een na Oos-Londen oor Fort Beaufort.

Kookhuis (en) Cookhouse
Dorp
Kookhuis  Kookhuis se ligging in Oos-Kaap
Koördinate: 32°44′43″S 25°48′17″O
Land	Suid-Afrika
Provinsie	Oos-Kaap
Distrik	Sarah Baartman
Munisipaliteit	Bloukraanroete
Stigting	1855
Oppervlak [1]
• Totaal	50,98 km2 (19,68 vk. myl)
Bevolking  (2011)[1]
• Totaal	5 707
• Digtheid	112/km2 (290/vk. myl)
Rasverdeling (2011) [1]
• Wit mense	2.8%
• Indiërs/Asiërs	0.2%
• Bruin mense	16.0%
• Swart mense	80.7%
• Ander	0.4%
Taal (2011) [1]
• Xhosa	75.4%
• Afrikaans	19.7%
• Engels	2.5%
• Ander	2.4%
Poskode (strate)	5820
Poskode (posbusse)	5820
Skakelkode	042

Die Groot-Visrivier vloei deur die dorp. Naby Kookhuis funksioneer ook ’n deel van die Oranjerivierprojek, ’n tonnel wat water van die Oranjerivier van die Groot-Visrivier na die Sondagsrivier lei.

Die plaaslike NG gemeente, Visriviervallei, is by die NG gemeente Somerset-Oos ingelyf nadat die lidmate met die jare so afgeneem het dat die gemeente nie meer op sy eie kon voortbestaan nie.

Die treinstasie