Koningswater

Koningswater is 'n chemiese reagens wat bestaan uit 3 dele gekonsentreerde soutsuur en een deel salpetersuur.

Maatbekers met koningswater.

Platinum los in koningswater op.

Die reageermiddel bevat nitrosielchloried NOCl:

3 HCl (g) + HNO₃ (s) → NOCl (aq) + Cl₂ (aq) + 2 H₂O (l)

NOCl is 'n baie sterk oksidant en die aanwesige chloorione 'n goeie komplekseringsmiddel. Díe kombinasie stel die reageermiddel in staat om metale soos goud op te los. Die nitrosielchloried oksideer Au tot Au³⁺ en die goudioon word in die komplekse tetrachloro-ouraatioon AuCl₄^- omgesit.

Daar is baie min metale wat nie met koningswater reageer nie. Voorbeelde is rutenium en iridium.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.