Kodak

Die Eastman Kodak Company, algemeen bekend as Kodak, is 'n Amerikaanse tegnologiemaatskappy wat fokus op beeldprodukte, met sy historiese basis in fotografie. Die maatskappy se hoofkwartier is in Rochester, New York, Verenigde State van Amerika en geïnkorporeer in New Jersey.[3] Dit is deur George Eastman gestig in 1888.

Eastman Kodak Company
Kodak se hoofkwartier in Rochester, New York, Verenigde State van Amerika
Tipe Aandelemaatskappy
Gestig 4 September 1888
Hoofkantoor Rochester, New York, Verenigde State
SleutelpersoneJeffrey J. Clarke (hoof uitvoerende beampte)
James V. Continenza (voorsitter)
Gebied bedienWêreldwyd
IndustrieDigitale beelde, fotografie, mobiele toestelle
ProdukteDigitale beelde en fotografiese materiaal, toerusting en dienste
InkomsteVS$1,798 miljard (2015)[1]
BedryfsinkomsteVS$2 miljoen (2015)[1]
Netto inkomsteVS$–211 miljoen (verlies)(2015)[1]
BatesVS$2,138 miljard (2015)[1]
Werknemers6 500 (2015)[2]
Webwerfkodak.com

Kodak bied verpakking, funksionele druk, grafiese kommunikasie en professionele dienste vir besighede regoor die wêreld. Sy vernaamste besigheidsegmente is digitale druk & onderneming en grafika, vermaak en kommersiële films.[4][5] Dit is die bekendste vir hul fotografiese filmprodukte. Vir die grootste deel van die 20ste eeu het Kodak 'n dominante posisie gehandhaaf in die fotografiese filmmark. Die maatskappy se alomteenwoordigheid was so groot dat sy leuse "Kodak oomblik" in die gemeenskaplike leksikon beskryf is as 'n persoonlike gebeurtenis wat aangeteken moes bly vir die nageslag.[6]

Wedywering met Fuji
'n 1900 Kodak-advertensie

Die Japannese mededinger Fujifilm het die Amerikaanse mark (via Fuji Photo Film U.S.A.) met goedkoper film en ander voorraad betree, maar Kodak het geglo dat die Amerikaanse verbruikers nooit sy handelsmerk in die steek sal laat nie.[7] Kodak kon nie daarin slaag om die amptelike filmverskaffer van die 1984 Los Angeles Olimpiese Spele te word nie, en Fuji het hierdie borgskapregte bekom, wat aan hulle 'n permanente vastrapplek in die mark gegee het. Fuji het 'n filmfabriek in die VSA geopen, en deur sy aggressiewe bemarking en prysverlagings begin om markaandeel van Kodak weg te rokkel. Fuji het van 'n 10%-aandeel in die vroeë 1990's tot 17% in 1997 gegroei. Fuji het ook vordering getoon in die professionele mark met spesiale deursigtigheidsfilms soos Velvia en Provia, wat suksesvol meegeding het met Kodak se handtekening professionele produk, Kodachrome. Hulle maak egter gebruik van die meer ekonomiese en algemene E-6 verwerkingsmasjiene wat standaard in die meeste verwerkingslaboratoriums was, eerder as die toegewyde masjiene deur Kodachrome vereis. Fuji se films het ook spoedig 'n mededingende voordeel behaal in die hoëspoed negatiewe films, met 'n verbeterde greinstruktuur.

Hoewel beide Fuji en Kodak sedert die 1970's die opkomende bedreiging van digitale fotografie herken het, en hoewel beide diversifikasie benodig het as 'n versagtende strategie, was Fuji meer suksesvol met hul diversifikasie.[7]

Skuif na digitaal

Hoewel Kodak reeds in 1975 'n digitale kamera ontwikkel het, die eerste van sy soort, is die produk laat vaar uit vrees dat dit Kodak se fotografiese filmbesigheid sou bedreig.[8][9] In die 1990's het Kodak 'n dekade-lange reis beplan om oor te skakel na digitale tegnologie. Algeheel was daar egter min implementering van die nuwe digitale strategie. Kodak se kernbesigheid het geen druk van mededingende tegnologie ervaar nie, en Kodak se bestuurders kon hulself nouliks 'n wêreld sonder die tradisionele film voorstel. Dus was daar min aansporing om af te wyk van die normale gang van sake in fotografie. Verbruikers het egter geleidelik oorgeskakel na die digitale aanbiedinge van maatskappye soos Sony.[10]

Tydsverloop
Kodachrome II-film vir kleurskyfies
Die Kodak Retina-reekskameras was tussen 1949 en 1956 vervaardig. Dit het ook KodaChrome tegnologie gebruik.
  • 1935: Kodak stel Kodachrome in, 'n kleuromkeervoorraad vir rolprent- en skyfiefilm.
  • 1936: Kodak vertak na die vervaardiging van handgranate.
  • 1940-1944: Eastman Kodak word 62ste gelys van Verenigde State korporasies in terme van Tweede Wêreldoorlog militêre produksiekontrakte.[11]
  • 1949-1956: Kodak stel die Retina-reeks 35mm kamera vry.
  • 1959: Kodak stel die Starmatic kamera vry, die eerste outomatiese Brownie kamera, waarvan 10 miljoen eenhede oor die volgende vyf jaar verkoop is.
  • 1963: Kodak stel die Instamatic kamera vry, 'n goedkoop, maklik-hanteerbare, mik-en-drukkamera.
  • 1975: Steven Sasson, destyds 'n elektriese ingenieur by Kodak, vind die digitale kamera uit.[12]
  • 1976: Kodak stel die eerste Kodamatic kitskameras vry, deur soortgelyke film en tegnologie as dié van die Polaroidmaatskappy te gebruik.
  • 1976: Die maatskappy verkoop 90% van alle fotografiese film in die VSA asook 85% van die kameras.[13]-
  • 'n Nuwe "Kodak Moment": VS$19 miljoen wins.[14]
  • 1978: Kodak stel die Ektachem kliniese chemie-toetsstelsel in. Die stelsel maak gebruik van droë filmtegnologie, en binne 5 jaar gebruik die meeste hospitale dit.
  • 1981: Kodak word deur Polaroid hof toe gesleep weens patentregskending van Polaroid se "Instant Picture" prdukte. Die hofsaak duur 5 jaar en die hof vind in Polaroid se guns in 1986.
  • 1982: Kodak stel die "Kodak Disc"-filmformaat vry vir verbruikerskameras. Die formaat blyk ongewild te wees en word later gestaak.
  • 1986: Wetenskaplikes by Kodak vervaardig die wêreld se eerste megapiekselsensor, wat tot 1,4 miljoen pieksels instaat was en fotokwaliteit 12,5 cm × 17,5 cm (4,9 dm × 6,9 dm) afdrukke gelewer het.
  • 1987: Dr. Ching W. Tang, 'n senior navorsingsassosiaat, en sy kollega Steven Van Slyke, ontwikkel die eerste multilaag OLED's by Kodak Research Laboratories.
  • 1988: Kodak koop Sterling Drug aan vir VS$5.1 miljard[15]
  • 1988: Kodak se wetenskaplikes stel die koemarientetrametiel-laserkleurstof bekend[16] wat ook in OLED-apparaat gebruik is. Hierdie word 'n suksesvolle produk totdat die produksielyn van fyn chemikalië verkoop is.
  • 1991: Die Kodak Professional Digital Camera System of DCS word die eerste kommersieel-beskikbare digitale enkellensreflekskamera (DSLR). A customized camera back bearing the digital image sensor was mounted on a Nikon F3 body and released by Kodak in May; the company had previously shown the camera at photokina in 1990.
  • 1993: Eastman Chemical, 'n Kodakfiliaal wat deur George Eastman in 1920 gestig is om Kodak van sy chemiese benodigdhede te voorsien, word as 'n aparte korporasie ontbondel. Eastman Chemical het hierna 'n Fortune 500-maatskappy op sigself geword.[17][18]
  • 1994: Die Apple Quicktake, 'n verbruikers-digitale kamera word deur Apple Computer geloods. Sommige modelle was deur Kodak vervaardig.

Verwysings
  1. (en) "Eastman Kodak Company". US: Securities and Exchange Commission. 2015.
  2. "Kodak leaders outline plans, outlook - Rochester Business Journal New York business news and information" (in Engels). Geargiveer vanaf die oorspronklike op 4 Maart 2016.
  3. "Certificate of amendment to the restated certificate of incorporation of Eastman Kodak company" (PDF). New Jersey division of revenue. 8 Junie 2005. Besoek op 7 Januarie 2008.
  4. "DISCLOSURE STATEMENT FOR DEBTORS' JOINT PLAN OF REORGANIZATION UNDER CHAPTER 11 OF THE BANKRUPTCY CODE". 30 April 2013. Besoek op 1 Oktober 2013.
  5. "Kodak Announces Emergence From Bankruptcy" (in Engels). 3 September 2013. Geargiveer vanaf die oorspronklike op 2 November 2013. Besoek op 2 Oktober 2013.
  6. Rees, Jasper (20 Januarie 2012). "The end of our Kodak moment" (in Engels). The Telegraph. Geargiveer vanaf die oorspronklike op 30 Mei 2012. Besoek op 20 Januarie 2012.
  7. "The last Kodak moment?" (in Engels). The Economist. 14 Januarie 2012. Geargiveer vanaf die oorspronklike op 25 Mei 2018. Besoek op 28 September 2016.
  8. "Kodak's Last Days" (in Japannees). nst.com. 5 Februarie 2012. Geargiveer vanaf die oorspronklike op 5 Mei 2019. Besoek op 14 Maart 2012.
  9. "Steven Sasson named to CE Hall of Fame" (in Engels). letsgodigital.org. 18 September 2007. Geargiveer vanaf die oorspronklike op 30 Januarie 2019. Besoek op 14 Maart 2012.
  10. "Mistakes Made On The Road To Innovation" (in Engels). Businessweek.com. 27 November 2006. Geargiveer vanaf die oorspronklike op 23 Junie 2012. Besoek op 19 Januarie 2012.
  11. Peck, Merton J. & Scherer, Frederic M. The Weapons Acquisition Process: An Economic Analysis (1962) Harvard Business School p.619
  12. "As Kodak struggles, Eastman Chemical thrives" (in Engels). Reuters. 24 Desember 2011. Geargiveer vanaf die oorspronklike op 28 Mei 2015. Besoek op 26 Desember 2011.
  13. Hiltzik, Michael (4 Desember 2011). "Kodak's long fade to black". latimes.com. Besoek op 11 Desember 2011.
  14. Daneman, Matthew (4 November 2014). "New Kodak Moment: A $19M profit" (in Engels). democratandchronicle.com. Geargiveer vanaf die oorspronklike op 19 Mei 2020. Besoek op 8 November 2014.
  15. "Kodak To Buy Sterling Drug". tribunedigital-chicagotribune (in Engels). Geargiveer vanaf die oorspronklike op 1 Julie 2018.
  16. C. H. Chen, J. L. Fox, F. J. Duarte, Lasing characteristics of new-coumarin-analog dyes: broadband and narrow-linewidth performance, Appl.
  17. Black, Larry (16 Junie 1993). "Kodak to spin off chemicals: Eastman will become independent by the end of this year" (in Engels). The Independent. Geargiveer vanaf die oorspronklike op 9 Oktober 2019. Besoek op 21 Januarie 2012.
  18. "One Eastman Chemical share set for 4 of Kodak" (in Engels). The New York Times. 11 Desember 1993. Geargiveer vanaf die oorspronklike op 10 Februarie 2020. Besoek op 21 Januarie 2012.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.