Knoop (tou)
'n Knoop is 'n metode waardeur 'n stuk lineêre materiaal soos 'n lyn of tou vasgemaak of gevleg word. Terwyl knope dikwels met tou gemaak word, kan dit ook met ander materiale, soos vislyn, gemaak word. Die knoop is gewoonlik naby die punte van die tou sodat dit aan 'n vaste voorwerp of aan 'n ander tou geheg kan word. As die tou rondom 'n voorwerp geneem word, word daarna as 'n steek verwys.
- Die artikel handel oor knope in toue, vir ander gebruike, sien Knoop.
Persone van so jonk as 5 jaar leer al om hulle skoenveters vas te knoop. Knope word ook gebruik om ballonne toe te bind sodat die lug nie kan ontsnap nie. Vasgeknoopte linte word as versiering gebruik, selfs om geskenke of blomme te versier. Matrose gebruik verskillende knope om toerusting aan bote vas te knoop.
Doel van knope
Knope word vir verskeie doeleindes gebruik, bv. om twee toue te las, om voorwerpe mee vas te bind, knope vir versiering, reddingswerk, steke na mediese operasies en vele meer.
Dit is egter belangrik om te besef dat daar verskeie knope is wat vir enige doel gebruik kan word, en dat sekere knope meer geskik is as ander, afhangende van die behoeftes (bv. tipe tou (materiaal), dikte van tou, moeilikheidsgraad om te knoop, hoe moeilik dit is om los te maak, waar in die tou dit geknoop moet word, hoe veilig die knoop is en vele meer).
Sekere knope kan ook vir verskeie doeleindes gebruik word.
Om twee toue/lyne vas te maak
- Syfer 8-knoop
- Carrick-knoop
- Bloedknoop
Om 'n lus aan die einde van 'n tou te maak
Om 'n lus in die middel van 'n tou/lyn te maak
- Alpynse vlinderknoop
Vir versiering
- Diamantknoop
- Aapvuisknoop (Engels: Monkey's Fist)
Sien ook
- Prusik-knoop
- Wurgknoop
- Dubbele wurgknoop
- Boaknoop
- Konstriktorknoop
- Dubbele konstriktorknoop
