Kliment Worosjilof

Kliment Jefremowitsj Worosjilof (Russies: Климе́нт Ефре́мович Вороши́лов​; Oekraïens: Климент Охрімович Ворошилов, Klyment Okhrimovyč Vorošylov), algemeen bekend as Klim Worosjilof (Russies: Клим Вороши́лов, Klim Worosjilof) (4 Februarie 1881 - 2 Desember 1969), was 'n prominente Sowjetse militêre offisier en politikus gedurende die Stalin-era. Hy was een van die oorspronklike vyf maarskalke van die Sowjetunie (die hoogste militêre rang van die land), saam met die hoof van die algemene staf van die Rooi Leër Aleksander Jegorof, en drie senior bevelvoerders, Wasili Bljoecher, Semjon Boedjonni, en Michail Toechatsjewksi.