Kleinplaneetsentrum

Die Kleinplaneetsentrum of KPS (Engels: Minor Planet Center; MPC) is die amptelike, wêreldwye organisasie wat in beheer is van die versameling van waarnemingsdata oor kleinplanete (soos asteroïdes en komete) en die berekening van hul wenterbane. Die sentrum publiseer dié inligting in omsendbriewe. Dit val onder beskerming van die Internasionale Astronomiese Unie (IAU) en is werksaam by die Smithsonian- Astrofisiese Sterrewag, wat saam met die Harvardkollesterrewag deel van die Sentrum vir Astrofisika uitmaak.[1]

Die sentrum het ’n paar gratis aanlyn dienste sodat waarnemers hulle kan help om kleinplanete waar te neem. Die volledige katalogus van kleinplanete se wentelbane (soms die "Kleinplaneetkatalogus" genoem) kan ook gratis afgelaai word. Benewens astrometriese data versamel die sentrum ook ligkurwefotometrie van kleinplanete.

’n Belangrike funksie van die sentrum is om waarnemers te help om opvolgwaarnemings van moontlike naby-aarde-voorwerpe (NAV's) te koördineer via sy NAV-webvorm en -blog.[2][3] Dit is ook verantwoordelik daarvoor om NAV's te identifiseer met ’n risiko om die Aarde te tref binne die eerste paar weke ná hul ontdekking en alarm te maak.[1]

Verwysings
  1. Centres – Minor Planet Center. Geargiveer vanaf die oorspronklike op 13 Mei 2020. Besoek op 20 April 2016. {{cite book}}: |work= ignored (hulp)
  2. "The NEO Confirmation Page" (in Engels). Minor Planet Center. Geargiveer vanaf die oorspronklike op 11 Mei 2020. Besoek op 20 April 2016.
  3. "NEOCP Blog" (in Engels). Minor Planet Center. Geargiveer vanaf die oorspronklike op 11 Februarie 2017. Besoek op 20 April 2016.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.