Kirkwoodgaping

’n Kirkwoodgaping is ’n gaping of afname in die verspreiding van die halwe lengteas (of die periodes) van die wentelbane van asteroïdes in die hoofgordel. Dit stem ooreen met die ligging van die wentelresonansies met Jupiter.

Dié histogram toon die vier grootste Kirkwoodgapings en ’n moontlike verdeling in binneste, middelste en buitenste hoofgordelasteroïdes:
██ binneste hoofgordel (a < 2,5 AE) ██ middelste hoofgordel (2,5 AE < a < 2,82 AE) ██ buitenste hoofgordel (a > 2,82 AE

Daar is byvoorbeeld baie min asteroïdes met ’n halwe lengteas naby 2,5 AE, of ’n periode van 3,95 jaar, dus in ’n 3:1-resonansie met Jupiter (drie omwentelings vir elke omwenteling van Jupiter). Ander resonansies stem ooreen met ander heelgetalverhoudings tot Jupiter se wentelperiode. Die swakker resonansies lei tot ’n uitputting van asteroïdes, terwyl pieke in die histogram dikwels voorkom vanweë die teenwoordigheid van ’n prominente asteroïdefamilie.

Beskrywing

Die gapings is in 1866 die eerste keer opgelet deur Daniel Kirkwood, wat ook hul oorsprong in die wentelresonansies met Jupiter reg voorspel het terwyl hy ’n professor in Canonsburg, Pennsilvanië, was.[1]

Die meeste Kirkwoodgapings is uitgeput, anders as die resonansies van Neptunus of Jupiter se 3:2-resonansie, wat voorwerpe behou wat vasgevang is tydens die groot planete se migrasie volgens die Nice-model.

’n Relatief klein getal asteroïdes is wel onlangs ontdek wat ’n groot eksentrisiteit het en in die Kirkwoodgapings lê. Hulle sal egter eindelik uit die resonansie wegbreek vanweë wisselwerkings met ’n groot planeet.

Die grootste Kirkwoodgapings is geleë by: [2]

  • 2.06 AE (4:1-resonansie)
  • 2,5 AE (3:1-resonansie)
  • 2.82 AE (5:2-resonansie)
  • 2.95 AE (7:3-resonansie)
  • 3.27 AE (2:1-resonansie)

Verwysings
  1. Coleman, Helen Turnbull Waite (1956). Banners in the Wilderness: The Early Years of Washington and Jefferson College. University of Pittsburgh Press. p. 158. OCLC 2191890.
  2. "A record of planet migration in the main asteroid belt" (PDF). Nature. arXiv:0906.4574. Bibcode:2009Natur.457.1109M. doi:10.1038/nature07778. Besoek op 13 Desember 2016.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.