Kimon

Kimon (in Grieks, Κίμων — Kimōn) (510, Athene – 450 v.C., Kition, Siprus), was 'n Atheense staatsman en strategos van die middel-5de eeu v.C., die seun van Miltiades. Hy het geseëvier in die Slag van Marathon en het 'n sleutelrol gespeel in die vestiging van die magtige Atheense maritieme ryk na die mislukking van die Persiese inval van Griekeland deur koning Ahasveros in 480-479 v.C. Kimon het 'n gevierde militêre held geword en is tot die rang van admiraal bevorder nadat hy in die Slag van Salamis geveg het.

Kimon
'n Borsbeeld van Kimon in Larnaka, Siprus
Geboortedatum	ca. 510 v.C.
Geboorteplek	Athene
Sterfdatum	450 v.C.
Sterfplek	Kition, Siprus
Lojaliteit	Athene
Rang	Strategos
Veldslae/oorloë	Slag van Salamis Slag van Salamis (in Siprus) Persiese oorloë

Een van Kimon se grootste kordaatstukke was sy vernietiging in 466 v.C. van 'n Persiese vloot en weermag by die Slag van die Eurymedonrivier. In 462 v.C. het hy 'n onsuksesvolle ekspedisie gelei om die Spartane by te staan tydens die heloteopstande. Gevolglik is hy ontslaan en geostrakeer van Athene in 461 v.C.; nietemin is hy uit sy verbanning teruggeroep voor die einde van sy dekadelange ostrakisme om in 451 v.C. 'n 5-jarige vredesverdrag tussen Sparta en Athene te beding. Vir sy deelname in pro-Spartaanse beleid, is hy dikwels 'n lakonis genoem. Kimon het ook die Atheense aristokratiese party teen Perikles gelei en het die demokratiese rewolusie van Ephialtes teëgestaan omdat hy die aristokratiese party se beheer oor Atheense institusies wou handhaaf.