Kim Cloete

Kim Cloete (gebore 25 Augustus 1979), is 'n Suid-Afrikaanse aktrise, televisie-aanbieder, sangeres, danseres, seremoniemeester en sakevrou.[1] Sy is veral bekend vir die rolle in die televisiereekse Binnelanders, Isidingo en Wild at Heart.[2]

Kim Cloete
Geboorte 25 Augustus 1979 (1979-08-25)
Bonteheuwel, Kaapstad
Nasionaliteit Suid-Afrikaner
Beroep(e) Aktrise, sakevrou
Internet-rolprentdatabasis-profiel

Persoonlike lewe

Cloete is op 25 Augustus 1979 in Bonteheuwel, Kaapstad, Suid-Afrika gebore.[3] Sy is getroud met Rowan Cloete, 'n sakeman.[3][4]

Loopbaan

Sy het as televisie-aanbieder vir SABC3, M-Net, kykNET, Craz-e en e.tv gewerk. Van 2008 tot 2009 het sy die SABC3- daggeselsprogram LunchBox aangebied.[5] Buiten dit het sy ook gewerk as die aanbieder vir die kykNET-programme Zing! en Ontbytsake. In dieselfde jaar het sy die rol van "Billie" in die derde seisoen van die M-Net-dramareeks Jacob's Cross vertolk.[3] Daarna het sy die rol "Neema" in die derde seisoen van die ITV UK-reeks Wild at Heart vertolk. In 2011 bied sy die SABC2-verskeidenheidkomedieprogram Kleur TV aan.[6]

Cloete is ook 'n suksesvolle sakevrou wat saam met haar man die produksiemaatskappy, Long Island TV, bestuur. Onder die vaandel het hulle die programme soos Stook!, ’n mediaresensieprogram wat sedert 2004 op DStv se Afrikaanse musiekkanaal MK uitgesaai word. Buiten die produksiemaatskappy besit sy luukse selfsorgwoonstelle in Melrose-Noord en Rosebank.[3] In 2010 het sy by die SABC2-sitkom Rasdien aangesluit met die rol "Alice". In 2014 het sy in die vierde seisoen van die SABC2-drama 90 Pleinstraat verskyn met die rol "Charmaine". Sy het in 2015 by die gereelde rolverdeling van die elfde seisoen van kykNET-sepie Binnelanders aangesluit en die rol "Bronwyn" vertolk. Sy het voortgegaan om die rol vir drie aaneenlopende seisoene tot die dertiende seisoen te vertolk en daarna haar rol ook in die sestiende seisoen hervat.[6]

In 2016 het sy die rol "Sulleen" in die kykNET-polisie-prosedurereeks Die Byl vertolk. In 2018 het sy in die kykNET-geselsprogram verskyn met die rol "Gas-deelnemer". In dieselfde jaar het sy in die eerste twee seisoene die rol "Anne Matthews" in 'n ander kykNET-drama, Fynskrif, vertolk.[3] In 2019 het sy in drie reekse opgetree: seisoene 3 en 4 van die kykNET-komedie Hotel met die rol "Patricia", kykNET-bonatuurlike Die Spreeus met die rol "Cindy" en tweede seisoen van die telenovela Arendsvlei met die rol "Olivia Wolfe".[7] In 2021 het sy die rol "Lana Bridgett" in die reeks Afgrond vertolk. Sy het intussen ook in die derde seisoen van die reeks Spoorloos verskyn met die rol “Aneen”.[6]

Benewens televisie en rolprent het sy in teatertoneelstukke opgetree, soos 'n Midsomersnagdroom, Dit Voel Leeg, Vaselinetjie, Die smeltkroes, en Broers in Bloed.[8]

Verwysings
  1. Wambugu, Kissa (1 Junie 2020). "Interesting facts about Kim Cloete that will shock you". Briefly (in Engels). Besoek op 18 November 2021.
  2. "Kim Cloete Bio". SA Online Portal (in Engels (VSA)). 17 Mei 2021. Besoek op 18 November 2021.
  3. Nkosi, Joseph; MA. "Kim Cloete biography - The Nation" (in Engels (VSA)). Besoek op 18 November 2021.
  4. "#Kellman - The Big Interview with Kim Cloete". CliffCentral (in Engels (VSA)). 25 Junie 2015. Besoek op 18 November 2021.
  5. "Loukmaan Adams and Kim Cloete". afternoonexpress. Besoek op 18 November 2021. {{cite web}}: |archive-date= requires |archive-url= (hulp)
  6. "Kim Cloete: TVSA". www.tvsa.co.za. Besoek op 18 November 2021.
  7. Engelbrecht, Leandra. "Kim Cloete on her character in Arendsvlei: 'She has unfinished business with Hamilton'". Channel (in Engels). Besoek op 18 November 2021.
  8. "Artist Connection: Kim Cloete". www.artistconnection.co.za. Besoek op 18 November 2021.

Eksterne skakel
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.