Kim Basinger

Kimila Ann "Kim" Basinger (IFA: ˈbeɪsɪŋər, dikwels verkeerd uitgespreek as ˈbæsɪndʒər; gebore op 8 Desember 1953)[1] is ’n Amerikaanse aktrise en voormalige model wat in 38 rolprente te sien was.

Kim Basinger
'n Beeld van die betrokke persoonlikheid.
Basinger in 1990 by die 62ste Oscar-toekenningsaand.
Geboortenaam Kimila Ann Basinger
Geboorte 8 Desember 1953 (1953-12-08)
Aktiewe jare 1971-tans

Loopbaan
Basinger as J.Z. Kane in die TV-reeks Dog and Cat (1977).

Sy het haar akteursloopbaan in 1976 op televisie begin en haar rolprentdebuut in die 1981-drama Hard Country gemaak. Basinger het bekendheid verwerf toe sy in 1983 die Bond-meisie Domino Petachi was in Never Say Never Again, teenoor Sean Connery. In die jaar daarna het sy ’n Golden Globe-benoeming gekry vir haar spel in The Natural. Sy was ook Elizabeth in die omstrede erotiese drama 9½ Weeks (1986) en Vicki Vale in Batman (1989).

In 1997 het sy die Oscar, Golden Globe en Screen Actors Guild Award vir beste vroulike byspeler gewen vir haar vertolking van Lynn Bracken in L.A. Confidential. Sy is die enigste aktrise nog wat al nakend in Playboy verskyn en ’n Oscar gewen het.

Haar ander prente sluit in Final Analysis (1992), I Dreamed of Africa (2000), 8 Mile (2002), The Door in the Floor (2004), Cellular (2004) en die komende The Nice Guys (2016).

Verwysings
  1. Parish, James Robert (24 Augustus 2007). The Hollywood Book of Extravagance: The Totally Infamous, Mostly Disastrous, and Always Compelling Excesses of America's Film and TV Idols. John Wiley & Sons. p. 66. ISBN 978-0-470-05205-1. Besoek op 11 Augustus 2012.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.