Kilimandjaro

Kilimandjaro (Engels: Mount Kilimanjaro) is 'n bergmassief in Afrika wat in die noordooste van Tanzanië naby die grens met Kenia geleë is. Met sy hoogte van 5 895 meter is dit die hoogste berg in Afrika, asook die hoogste alleenstaande berg ter wêreld. Die massief bestaan uit die drie vulkane: Kibo, Mawenzi en Shira. Dit is een van die Vulkaniese Sewe Kruine.

Kilimandjaro
Berg Kilimandjaro Berg Kilimandjaro
Ligging Kilimandjaro-gebied, Tanzanië; histories: Duits-Oos-Afrika
Hoogte 5 895[1] meter bo seevlak
Reeks Alleenstaande berg in die Kilimandjaro-massief
Koördinate 3°4′33″S 37°21′12″O
Bergtipe Stratovulkaan
Eerste bestyging 1899
Eerste bestyger(s) Hans Meyer
Ludwig Purtscheller
Maklikste roete Voetslaan[2]
Ligging van Kilimandjaro op 'n kaart (Tanzanië)
Kilimandjaro
Kilimandjaro
Kaart van Kilimandjaro en Berg Meru

Tussen 1885 en 1918 was die berg die hoogste punt op Duitse gebied (Duits-Oos-Afrika) en vanaf 1902 tot 1918 is die berg ná Keiser Wilhelm Kaiser-Wilhelm-Spitze of Wilhelmskuppe genoem. Die Kilimandjaro Nasionale Park is in 1987 deur Unesco as wêrelderfenisgebied gelys.

Die hoogste punt op die berg staan bekend as Uhuru-piek (Swahili vir: "Vryheid") . Daar is sewe roetes wat lei na Uhuru-piek met slegs een wat werklike klimwerk vereis. Die temperatuur daal tot by -30 °C bo-op die berg.[3]

Roetes na die bergtop neem 5-8 dae. Hoe meer tyd bestee word om te klim, hoe makliker sal dit wees om te akklimatiseer.[4]

Verwysings
  1. (en) "Kilimanjaro, Tanzania". Peakbagger.com. Besoek op 30 April 2015.
  2. "Trekking Kilimanjaro". Altezza Travel.
  3. 'n Week se verlof, sowat R21,000 en baie wilskrag. Beeld 9 Maart 2013
  4. "How long does it take to climb Mt. Kilimanjaro?".

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.