Khagan
Kha khan, khagan of qagan (Mongools: хаан, khaan) is ’n titel in Mongools en Turks gelykstaande aan keiser. Die persoon het oor ’n khaganaat geheers.
8 van 15 Mongoolse khagane van die Mongoolse Ryk
Dit kan ook vertaal word as "khan van khans". Sedert die burgeroorlog in die Mongoolse Ryk het die keisers van die Yuan-dinastie die titel khagan gehad, asook hul opvolgers in Mongolië. Die titel word in die Weste soms ook vertaal as Groot Khan, van Jekhe Khagan (Groot Keiser of Их Хаан).
Die vroeë khagans van die Mongoolse Ryk was:
- Djengis Khan (1206–1227)
- Ögedei Khan (1229–1241)
- Güyük Khan (1246–1248)
- Möngke Khan (1251–1259)
Met die stigting van die Chinese Yuan-dinastie het Koeblai Khan en sy afstammelinge die leiers van dié dinastie geword en was hulle bekend as khagans van die Mongole en keisers van die Chinese.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.