Katy Perry

Katheryn Elizabeth Hudson (gebore 25 Oktober 1984), beter bekend onder haar verhoognaam Katy Perry, is 'n Amerikaanse sangeres-liedjieskryfster en musikant. Perry het in 2007 roem verwerf met haar internettreffer "Ur So Gay" en het verdere aansien behaal met haar deurbraakenkelsnit "I Kissed A Girl" (2008).

Katy Perry
Agtergrondinligting
Geboortenaam	Katheryn E. Hudson
Gebore	25 Oktober 1984 (1984-10-25)
Oorsprong	Santa Barbara, Kalifornië, VSA
Genres	Pop, synthpop, gospel
Beroep(e)	Sanger
Instrumente	Stem, kitaar
Etikette	Capitol, Columbia
Webwerf	katyperry.com

Hudson is in Santa Barbara, Kalifornië gebore en is deur Christen-pastoorouers grootgemaak. Sy het slegs na Christelik-evangeliese musiek geluister terwyl sy grootgeword het. Ná haar eerste jaar van hoërskool het sy begin om 'n musiekloopbaan te volg. Sy het 'n selfgetitelde evangeliealbum in 2001 as Katy Hudson vrygestel. Nadat sy 'n platekontrak met Capitol Music Group in 2007 onderteken het, het sy die verhoognaam Katy Perry aangeneem en het sy haar eerste hoofstroomalbum, One of the boys, vrygestel.