Katteklouranker

Die Katteklouranker (Dolichandra unguis-cati, voorheen bekend as Macfadyena unguis-cati) is 'n vinnig groeiende klimplant wat hoort tot die jakaranda-familie.[2]

Dolichandra unguis-cati
Wetenskaplike klassifikasie
Koninkryk:
Plantae
(geen rang):
Angiosperms
(geen rang):
Eudicots
(geen rang):
Asterids
Orde:
Lamiales
Familie:
Bignoniaceae
Tribus:
Bignonieae
Genus:
Dolichandra
Spesie:
D. unguis-cati
Binomiale naam
Dolichandra unguis-cati
(L.) Miers 1863
Sinonieme[1]
  • Batocydia exoleta Mart. ex DC. nom. inval.
  • Batocydia unguis Mart. ex DC. nom. inval.
  • Batocydia unguis-cati (L.) Mart. ex Britton
  • Bignonia acutistipula Schltdl.
  • Bignonia californica Brandegee
  • Bignonia catharinensis Schenck
  • Bignonia dasyonyx S.F.Blake
  • Bignonia exoleta Vell.
  • Bignonia gracilis Lodd.
  • Bignonia inflata Griseb.
  • Bignonia lanuginosa Hemsl.
  • Bignonia pseudounguis Desf.
  • Bignonia triantha DC.
  • Bignonia tweediana Lindl.
  • Bignonia tweediana Griseb. ex Fabris
  • Bignonia unguis L.
  • Bignonia unguis Vell. nom. illeg.
  • Bignonia unguis L. ex DC.
  • Bignonia unguis-cati L.
  • Bignonia vespertilia Barb.Rodr.
  • Dolichandra kohautiana C.Presl
  • Doxantha acutistipula (Schltdl.) Miers
  • Doxantha adunca Miers
  • Doxantha chelephora Miers nom. inval.
  • Doxantha dasyonyx (S.F.Blake) S.F.Blake
  • Doxantha exoleta (Vell.) Miers
  • Doxantha lanuginosa (Hemsl.) Miers nom. inval.
  • Doxantha mexicana Miers nom. inval.
  • Doxantha praesignis Miers nom. inval.
  • Doxantha radicans (DC.) Miers
  • Doxantha serrulata Miers nom. inval.
  • Doxantha tenuicula Miers nom. inval.
  • Doxantha torquata Miers nom. inval.
  • Doxantha tweediana (Lindl.) Miers
  • Doxantha unguis (L.) Miers
  • Doxantha unguis-cati (L.) Miers
  • Doxantha unguis-cati (L.) Miers ex Rehder
  • Macfadyena unguis-cati (L.) A.H.Gentry
  • Microbignonia auristellae Kraenzl.
  • Spathodea kohautiana (C.Presl) Walp.

Beskrywing

Dolichandra unguis-cati het semiaanhoudende blare. Stingels is houtagtig en kan tot 20 meter bereik. Dit rank deur middel van klein, dun lugwortels en het donkergroen, teenoorgestelde, tweebladige blare, 3 cm tot 4 cm lank. Die plant produseer blomme gedurende die reënseisoen. Die blomme is geel, het 'n deursnee van 4 cm tot 5 cm en kan alleen of in groepe van 2 of 3 voorkom. Lang primêre wortels strek onder die grondoppervlak en produseer groot knolle van 40 cm tot 50 cm lank. Die vrugte is bruin afgeplatte kapsules van 25 cm tot 95 cm lank. Elke kapsule bevat 100 tot 200 sade.

Verspreiding en habitat

Hierdie plant is inheems aan die tropiese droëwoud van Sentraal-Amerika, Suid-Amerika en die Karibiese Eilande. In hierdie natuurlike gebiede kom dit vanaf seevlak tot meer as 600 m bo seespieël voor waar die reënval 750 mm tot 2400 mm per jaar is. Dit kan indringend word en is wêreldwyd teenwoordig. Dit beïnvloed lae plante van woud-ekosisteme deur vinnig vertikaal en horisontaal te versprei.

Indringerplant

Die katteklouranker is 'n kategorie 1b indringerplant dwarsoor Suid-Afrika, en is veral 'n probleem in KwaZulu-Natal, Mpumalanga, Limpopo en Gauteng waar dit inheemse plante oorneem en versmoor.[3] Dit is ook 'n indringer in Australië, Nieu-Seeland, Indië, Mauritius, China, Nieu-Kaledonië en die VSA, insluitende Hawaii.[4]

'n Biologiese beheerprogram teen katteklourankers is in 1996 deur die Landbounavorsingsraad se Plantbeskermingsnavorsingsinstituut ingestel en word deur samewerking met die Werk vir Waterprogram van die Departement van Omgewingsake onderhou. Tot dusver het hierdie program sewe potensiële insekbiokontrolemiddels ondersoek en vier in Suid-Afrika vrygestel.[4]

Fotogalery

Sien ook

Bronne

Hierdie artikel is in sy geheel of gedeeltelik vanuit die Engelse Wikipedia-artikel vertaal

Verwysings
  1. Cat's claw creeper (Macfadyena unguis-cati). Brisbane Rainforest Newsletter; Brisbane Rainforest Action & Information Network. URL besoek op 2018-09-01.
  2. "The Plant List: A Working List of All Plant Species" (in Engels). Nuevo Cat. Fl. Vasc. Venezuela 273 2008. Geargiveer vanaf die oorspronklike op 3 November 2019. Besoek op 1 September 2018.
  3. Cat's claw creeper Dolichandra unguis-cati. Invasive Species South Africa - Protecting Biodiversity from Invasion. URL besoek op 2018-09-01.
  4. "Cat's claw creeper (Dolichandra unguis-cati) (Bignoneaceae)" (in Engels). Landbounavorsingsraad. Geargiveer vanaf die oorspronklike op 29 Oktober 2019. Besoek op 1 September 2018.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.