Katipunan

Katipunan (KKK) was 'n rewolusionêre beweging in die Filippyne. Die beweging is in 1892 in Manila gestig met die doel om die Filippyne se onafhanklikheid van Spanje te bewerkstellig. Die leier van die beweging was die mede-stigter, Andres Bonifacio. Hulle opereer aanvanklik ondergronds tot hul bestaan in 1896 deur die Spanjaarde ontdek is. Direk na hul ontdekking breek die Filippynse Rewolusie uit.

Katipunan
KKK
Die eerste vlag van Katipunan (1897)
Leier	Andres Bonifacio (1892-1897)
Slagspreuk	"Kataas-taasan, Kagalang-galangang Katipunan ng mga Anak ng Bayan"
Gestig	7 Julie 1892
Nuusbrief	Kalayaan
Hoofkwartier	Tondo, Manila; Kawit, Cavite
Ideologie	Filippynse nasionalisme
Internasionale affiliasie	La Liga Filipina
Amptelike kleure	Rooi en wit

Die woord "katipunan" beteken letterlik 'assosiasie'. Dit kom van die Tagalog wortel "tipon", wat "kom bymekaar" of "samelewing" beteken.[1] Die organisasie se amptelike naam was Kataas-taasan, Kagalang-galangang Katipunan ng̃ mg̃á Anak ng̃ Bayan (Afrikaans: Hoogste en Mees Eerbare Vereniging van die Kinders van die Nasie; Spaans: Suprema y Venerable Asociación de los Hijos del Pueblo). Die groep was ook onder die akroniem KKK bekend, hoewel hulle geen verbintenis met die Ku Klux Klan (wat ook die akroniem gebruik het) gehad het nie.