Kate Hudson

Hudson is in Los Angeles, Kalifornië, gebore as die dogter van die Oscar-bekroonde aktrise Goldie Hawn en Bill Hudson, ’n sanger, komediant en akteur.[1] Haar ouers is 18 maande ná haar geboorte geskei en sy en haar ouer broer, die akteur Oliver Hudson, is deur hul ma en dié se kêrel van ’n lang tyd, die akteur Kurt Russell, grootgemaak.[2] Hudson het al gesê sy beskou Russell as haar pa.[3]

Sy het in 2000 bekend geraak vir haar rol as Penny Lane in Almost Famous, waarvoor sy ’n Golden Globe gewen en vir ’n Oscar vir beste vroulike byspeler benoem is. Haar ander prente sluit in How to Lose a Guy in 10 Days (2003), Raising Helen (2004), The Skeleton Key (2005), You, Me and Dupree (2006), Fool's Gold (2008) en Bride Wars (2009).