Kasjta

Kasjta was ’n 8ste-eeuse koning van Koesj en die opvolger van Alara. Sy naam, k3š-t3 (getranskribeer as Kasjta, moontlik uitgespreek kuʔʃi-taʔ),[1] "van die land van Koesj", word algemeen vertaal as "die Koesjiet".[2] Hy is opgevolg deur sy seun Pije, wat Antieke Egipte verower en die 25ste Dinastie daar gestig het.

As Koesjitiese koning het hy probeer om sy invloed in Bo-Egipte te versterk deur sy dogter, Amenirdis, as "die vrou van Amoen" in Thebe aan te stel. Deur geld van sy regering kon hy dié gebiede polities beheer.

Die duur van Kasja se bewind is onbekend. Sommige bronne gee hom aan as die stigter van die 25ste Dinastie omdat hy die eerste heerser van Koesj was wat sy invloed in ’n deel van Egipte versprei het.

Die piramides van El-Kurru bevat die graftombes van Kasjta, sy seun Pije en dié se opvolgers, Sjabaka, Sjebitkoe en Tanoetamoen.

Verwysings
  1. Allen, James P. (11 Julie 2013). The Ancient Egyptian Language: An Historical Study (in Engels). Cambridge University Press. ISBN 9781107032460. Besoek op 15 April 2015.
  2. Nicholas Grimal, A History of Ancient Egypt (Oxford: Blackwell Books), 1992. p.334

Skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.