Kaartlêery
Kaartlêery of kartomansie is fortuinvertelling, of waarsêery, met behulp van 'n pak speelkaarte.[1] Vorme van kaartlêery het in die 14de eeu in Europa verskyn, net ná speelkaarte.[2] Mense wat kaartlêery beoefen, word kaartlesers genoem.
In kaartlêery was stadaardspeelkaarte in die 18de, 19de en 20ste eeu die gewildste vorm van fortuinvertelling. Die standaardpak van 52 kaarte bevat gewoonlik 'n joker of selfs 'n blanko kaart. In Frankryk word die piketpak van 32 kaarte meestal gebruik: Dit kan 'n pak van 52 kaarte wees waarvan al die 2's tot 6'e verwyder is. Al wat oor is, is die 7's tot 10'e, die prentkaarte en die ase.
In Engelssprekende lande is tarotkaartlêery die gewildste. Tarotkaarte word op dié plekke feitlik uitsluitlik vir dié doel gebruik.[3]
Metodes
Die gewildste metode van kaartlêery met 'n standaardpak word die "Gelukswiel" genoem.[3][4] Die kaartleser verwyder kaarte lukraak en heg betekenis daaraan geskoei op die vologorde waarin hulle gekies is.[3]
Hoewel die vertolking van verskillende kaarte van streek tot streek verskil, is die algemeenste aanduiders van die toekoms soos volg:
| Kaart | Betekenis |
|---|---|
| Heer van Hartens | 'n Volwasse man met ligte, donkerblonde of ligbruin hare en bruin, blou of ligbruin oë. Gewoonlik 'n familielid of ander geliefde. Van vaderskant en gesinsgeoriënteerd. |
| Heer van Ruitens | 'n Volwasse man met rooi of ligblonde hare en blou, groen of grys oë. Gewoonlik 'n ryk man in 'n gesagsposisie. |
| Heer van Klawers | 'n Volwasse man met bruin of donkerbruin hare en bruin, blou of ligbruin oë. Gewoonlik 'n getroude besigheidsman (hoewel "besigheid" 'n seksuele konnotasie kan hê en nie 'n kommersiële een nie). |
| Heer van Skoppens | 'n Volwasse man met donkerbruin of swart hare en donkerbruin oë. Gewoonlik 'n wewenaar, geskeide man of buitelander. Ambisieus en magtig; kan arrogant en bedrieglik wees. |
| Vrou van Hartens | 'n Volwasse vrou met ligte, donkerblonde of ligbruin hare en bruin, blou of ligbruin oë. Gewoonlik 'n familielid of ander geliefde. Van moederskant en gesinsgeoriënteerd. |
| Vrou van Ruitens | 'n Volwasse vrou met rooi of ligblonde hare en blou, groen of grys oë. Gewoonlik 'n ryk vrou in 'n gesagsposisie. |
| Vrou van Klawers | 'n Volwasse vrou met bruin of donkerbruin hare en bruin, blou of ligbruin oë. Gewoonlik 'n besigheidsvrou of sosiale vlinder. |
| Vrou van Skoppens | 'n Volwasse vrou met donkerbruin of swart hare en donkerbruin oë. Gewoonlik 'n weduwee, geskeide vrou of buitelander. Ambisieus en intelligent; kan koud, berekenend of leedvermakerig wees. |
Verwysings
- "In the Cards: A Brief History of Divination and Cartomancy". The Odyssey Online. 11 Julie 2016. Besoek op 29 September 2019.
- Huson, Paul (2004). Mystical Origins of the Tarot: From Ancient Roots to Modern Usage. Vermont: Destiny Books. ISBN 0-89281-190-0
- Knight, Jan (1980). A-Z of ghosts and supernatural. Pepper Press. pp. 15–6. ISBN 0-560-74509-5.
- "Cartomancy". The Element Encyclopedia of the Psychic World. (2006). Harper Element. 99.
Skakels
- Origins of Cartomancy (Playing Card Divination)
Wikimedia Commons het meer media in die kategorie Kaartlêery.
Hierdie artikel is in sy geheel of gedeeltelik uit die Engelse Wikipedia vertaal.
