Karel V

Keiser Karel V (24 Februarie 1500, Gent, België – 21 September 1558, Cuacos de Yuste, Spanje), uit die huis Habsburg was 'n seun van Filip die Skone (hertog van Boergondië, Brabant, Limburg en Luxemburg en graaf van Vlaandere, Artesië, Henegouwen, Holland, Zeeland en Namen) en Johanna van Kastilië. Hy was ook die kleinseun van Maksimiliaan I.

Karel V
Keiser van die Heilige Romeinse Ryk Koning van die Romeine Koning van Italië
Portret van Keiser Karel V.
Vorstehuis	Habsburg
Regeer	28 Junie 1519 - 27 Augustus 1556
Kroning	26 Oktober 1520, Aaken (Duitse bewind) 22 Februarie 1530, Bologna (Italiaanse bewind) 24 Februarie 1530, Bologna (keiserlike bewind)
Voorganger	Keiser Maksimilian I
Opvolger	Keiser Ferdinand I
Regeer as koning van Spanje saam met Johanna van Kastilië tot 1555	23 Januarie 1516 – 16 Januarie 1556
Voorganger	Johanna
Opvolger	Filips II
Lord van die Nederland en Paltsgraaf van Boergondië	25 September 1506 – 25 Oktober 1555
Voorganger	Filips I
Opvolger	Filips II
Eggenoot	Isabella van Portugal
Kinders	Filips II, koning van Spanje Maria, keiserin van die Heilige Romeinse Ryk Johanna van OostenrykJohanna van Oostenryk, prinses van Portugal Johannes van Oostenryk (onwettig) Margrethe van Parma (onwettig)
Vader	Filips I
Moeder	Johanna
Gebore	24 Februarie 1500 Gent, Vlaandere
Oorlede	21 September 1558 (op 58) Cuacos de Yuste, Spanje
Begrawe	El Escorial, San Lorenzo de El Escorial, Spanje
Handtekening

Hy was van 1519 tot 1556 die keiser van die Heilige Romeinse Ryk, en van 1516 tot 1556 koning van Spanje onder die naam Karel I. Die land waaroor hy geheers het, was die grootste Europese ryk sedert Karel die Grote.

Hy kon sonder vrees vir teenspraak sê: In my ryk gaan die son nooit onder nie. Sy ryk het Oostenryk, Italië, die Nederlande en Spanje, met sy Amerikaanse kolonies, omvat. Daarby het nog die Duitse keiserskroon gekom. Sodoende het Karel 'n magsposisie bekom wat die voortbestaan van die Franse koningsheerskappy ernstig bedreig het.

Frans I van Frankryk kon egter sy mag handhaaf, aangesien Karel nooit al die mag waaroor hy beskik het, kon konsolideer nie. Om dieselfde rede kon Luther, die Hervorming en die Duitse vorste wat Protestants geword het, die wil van die keiser (wat hulle aan die Katolieke Kerk wou onderwerp) trotseer. In die ouderdom van 56 jaar het die keiser wat toe erg aan jig gely het, geabdikeer en hom in die afgesonderdheid van ʼn Spaanse klooster teruggetrek, waar hy in 1558 gesterf het. Sy ryk het hy in 'n Spaanse en Oostenrykse deel verdeel.

Wikimedia Commons bevat media in verband met Charles V, Holy Roman Emperor.