Kaoliniet

Kaoliniet is 'n mineraal met algemene samestelling Al₂(Si₂O₅)(OH)₄

Kaoliniet
Formule	Al2(Si2O5)(OH)4
Onsuiwerhede	Fe,Mg,Na,K,Ti,Ca
Nickel-Strunz (10)	9.ED.05
Kleur	wit tot roomkleurig, ander kleure deur onsuiwerhede[1]
Streep	wit of bleker as monster[1]
Glans	wasagtig, pêrelagtig, dof [1]
Hardheid	2-2,5 (Mohs)[1]
Digtheid	2,68 g/cm3[1]
Optiese eienskappe
Dubbelbreking	tweeassig (-)[1]
RI-waardes	n = 1.553 - 1.563; n = 1.559-1.569; n = 1.560-1.570;[1]
Kristallografie
Kristalsisteem	triklinies
Ruimtegroep	P1
Nommer	1
Eenheidsel	a = 5.13 Å, b = 8.89 Å, c = 7.25 Å α = 90°, β = 104.5°, γ = 89.8°[1]
* Lys van minerale
Portaal Geologie

Dit is 'n silikaat van aluminium met 'n trikliniese struktuur wat uit dubbellae van oktaëdriese aluminium- en tetraëdriese silikonoksiedgroepe bestaan. Die lae word deur waterstofbinding by mekaar gehou.

Hierdie materiaal is 'n primêre klei en dit is die grondstof vir die vervaardiging van porselein. Daar is in Afrika meer as 250 bronne van kaoliniet bekend. Daaronder is Algerië, Botswana, Burundi, Kameroen, Egipte, Eritrea, Nigerië, Suid-Afrika, Tanzania en Zimbabwe. Dit word ook in veselglas, plastiek, farmaseutika, verf en rubber aangewend.[2] In Suid-Afrika word die mineraal op 20 plekke in sewe provinsies aangetref. Die Wes-Kaap verteenwoordig 55% van die reserwes, maar die streek van Grahamstown in die Oos-Kaap lewer 55% van die produksie. Die wit kaoliniet wat daar gemyn word, het 'n uitstekende kwaliteit.[3]