Kanamisien

Kanamisiensulfaat is 'n aminoglikosied-antibiotikum wat uit die bakterie Streptomyces kanamyceticus geïsoleer word. Kanamisien beïnvloed die 30S- ribosomale subeenheid en veroorsaak dat die bakterieë óf nie proteïene kan sintetiseer nie, óf dat die sintese van proteïene foutief voortgaan.

Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie.
Enige vrae of klagtes oor u persoonlike gesondheid behoort na 'n dokter verwys te word.

Molekulêre struktuur van Kanamisien A.

Kanamisien word gebruik om infektiewe diarree en middelweerstandige tuberkulose te behandel. Newe-effekte van kanamisien sluit aantasting van die gehoor in, en moet dus nooit aan groeiende kinders gegee word nie. Die newe-effek op gehoor is dosis-afhanklik, maar indien 'n te hoë dosis te lank toegedien word, kan dit onomkeerbare skade veroorsaak.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.