Kampanië

Kampanië (Italiaans: Campania) is 'n streek in Suid-Italië. Kampanië grens in die noordweste aan Latium (Lazio), in die noorde aan Molise, in die noordooste aan Apulië, in die ooste aan Basilicata en in die weste aan die Tirreense See. Die streek beslaan 13 595 km² en het ongeveer 6 miljoen inwoners in 2004 gehad. Kampanië se hoofstad en grootste stedelike nedersetting is Napels (Napoli in Italiaans).

Wapen en vlag
Die Kampaniese wapen Die Kampaniese vlag
Algemene gegewens
Land:Vlag van Italië Italië
Hoofstad:Napels (Napoli)
Administratiewe verdeling:5 provinsies
Oppervlakte:13 590,25 vk km
Bevolking:5 834 056 (31 Desember 2010)
Bevolkingsdigtheid:429 inwoners per vk km
Webwerf:www.regione.campania.it
ISO 3166-2:IT-72
President:Stefano Caldoro (PdL)
Kaart
Die ligging van Kampanië in Italië
Marina Grande op die eiland Capri

Die naam van die streek is regstreeks van Latyns afgelei, die Romeine het die streek Campania felix genoem, wat gelukkige land(skap) beteken. Die gebied was in die antieke tydperk die gewildste vakansiebestemming vir Romeine wat vanaf 95 n.C. deur die grootpad Via Domitiana met die hoofstad Rome verbind is. Talle villa's het in die gebied ontstaan, veral in die strandoord en warmbad Baiae, 'n stadsbuurt van Cumae, wat vanaf die 1ste eeu v.C. tot die sentrum van antieke Italië se toerismebedryf ontwikkel het (sien die artikel oor toerisme).[1]

Provinsies

Die streek word in vyf provinsies opgedeel:

  • Avellino
  • Benevento
  • Caserta
  • Metropolitane Stad Napels (hoofstad)
  • Salerno

Verwysings
  1. Karl-Wilhelm Weeder: Baiae - Stadt der hundert Genüsse, Herberge aller Laster. Mainz am Rhein: Nünnerich-Asmus Verlag & Media 2014, bl. 8


Vlag van Italië

Administratiewe streke van Italië

Abruzze (Abruzzo) • Apulië (Puglia) • Basilicata • Kalabrië (Calabria) • Kampanië (Campania) • Emilia-Romagna • Friuli-Venezia Giulia • Latium (Lazio) • Ligurië (Liguria) • Lombardye (Lombardia) • Marke (Marche) • Molise • Piëmont (Piemonte) • Sardinië (Sardegna) • Sisilië (Sicilia) • Toskane (Toscana) • Trentino-Suid-Tirol (Trentino-Alto Adige) • Umbrië (Umbria) • Valle d'Aosta • Veneto

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.