Kamov Ka-27

Die Kamov Ka-27 (NAVO naam 'Helix') is 'n militêre helikopter van dieselfde klas as die Ka-50 wat vir die Sowjetvloot ontwikkel is. Tans word die helikopter deur Rusland, Oekraïne, Vietnam, Suid-Korea, China en Indië gebruik. Daar bestaan variasies soos die Ka-28 (uitvoermodel), Ka-29 militêre vervoer (16 troepe), die Ka-31 verkenner, en Ka-32 siviele vervoermodel.

Ka-27 gebruikers
Rooi: militêre gebruik (uitgevoer); blou: siviele gebruik

Kamov Ka-27 Helix A
Kamov Ka-27
Omskrywing
Rol	Teen-duikboot helikopter
Bemanning	1-3 bemanning plus 2-3 spesialiste
Eerste vlug	Desember 1974
Vrygestel	1982
Vervaardiger	Kamov
Afmetings
Lengte	11.30 m
Rotoromtrek	15.80 m
Hoogte	5.50 m
Massa
Leeg	6 500 kg
Gelaai	11 000 kg
Maksimum opstyggewig	12 000 kg
Aandrywing
Enjins	2x Isotov turbo-as
Vermoë	1 660 kW elk
Werkverrigting
Maksimumsnelheid	270 km/h
Normale kruissnelheid	205 km/h
Operasionele reikafstand	980 km
Plafonhoogte	5 000 m
Bewapening
2 000 kg. 2 torpedo's (Ka-27) 55 mm missielrakke of 4 GTLs, 7.62 mm MG, 30 mm kanon (Ka-29)
Sensors
Radar, MAD of dompelsonar, sonarboeie (Ka-27) RWR, ESM, EW sisteme (Ka-29)

Ka-27

Die helikopter is ontwerp vir 'n teen-duikbootrol en om troepe te vervoer. Die ontwerpwerk het in 1970 begin en die eerste prototipe het in 1974 gevlieg. Die bedoeling was om die Kamov Ka-25 Hormone, wat toe reeds 10 jaar oud was, met die Ka-27 te vervang. Die helikopter lyk ook baie soos sy voorganger aangesien dit in dieselfde loodsruimte as sy voorganger op 'n skip moes pas. Soos die ander Kamovhelikopters is die Ka-27 ook sonder 'n stertrotor, omrede die ko-aksiale rotors 'n stertrotor oorbodig maak.