Kamiesberg Plaaslike Munisipaliteit

Die Kamiesberg Plaaslike Munisipaliteit is een van die plaaslike munisipaliteite in die Namakwa-distriksmunisipaliteit in die Noord-Kaap, Suid-Afrika.

Kamiesberg
Provinsie	Noord-Kaap
Distriksmunisipaliteit	Namakwa
Tipe	Plaaslike Munisipaliteit
Munisipale kode	NC064
Burgemeester	Martin Klasae
Hoofstad	Garies
Grootste tale	Afrikaans
Area	14 210 km²
Bevolking	10,187 (2011)

Die African National Congress is al sedert die koms van die nuwe munisipale bedeling in 2000 aan die bewind in Kamiesberg. In 2000 se verkiesing vir plaaslike regering het die party 61% van die stemme op hom verenig. In 2006 neem dit af tot 56% en in 2011 tot 54%. Die Demokratiese Alliansie was al twee keer die naasgrootste party: in 2000 het die party 39% van die stemme gekry en in 2011 35%. Kamiesbergers blyk egter nie baie lojale D.A.-ondersteuners te wees nie, want in 2006 het die party slegs 9% van die stemme op hom verenig. In daardie verkiesing het die Onafhanklike Demokrate 35% van die stemme gekry. Cope het in 2011 11% van die steun gekry.