Kalahariskilpad

Die Kalahariskilpad (Psammobates oculifer) is 'n skilpad wat in die Kalahari en in die westelike gedeeltes van die Limpopo-provinsie (maar nie suid van die Oranjerivier nie) voorkom. Die skilpad word 12 tot 14 cm lank en weeg 300 tot 480 gram. Dit is amper-endemies aan Suid-Afrika.

Kalahariskilpad
Skulprandskilpad
'n Volwasse Kalahariskilpad
Wetenskaplike klassifikasie
Koninkryk:
Animalia
Filum:
Chordata
Klas:
Reptilia
Orde:
Testudines
Suborde:
Cryptodira
Familie:
Testudinidae
Genus:
Psammobates
Spesie:
P. oculifer
Binomiale naam
Psammobates oculifer
Kuhl, 1820 [1]
Sinonieme[2]
  • Testudo oculifera Kuhl, 1820
  • Emys occilifera Gray, 1831 (ex errore)
  • Emys oculifera Gray, 1831
  • Testudo semiserrata Smith, 1839
  • Clemmys oculifera Strauch, 1862
  • Peltastes semiserratus Gray, 1870
  • Chersinella oculifera Hewitt, 1933
  • Psammobates oculifera Hewitt, 1937
  • Psammobates oculifer Loveridge & Williams, 1957
  • Psammobates oculiferus Crumly, 1989

Die skilpad het 'n lae, koepelvormige karapaks (bo-dop). Die karapaks is het 'n ligte geelbruin tot donkerbruin kleur met geelbruin strepe van die middel van elke effens opgehewe skildplaat. Dit het nie 'n skarnier nie, maar het 'n duidelik geskulpte rand.

Kalahariskilpaaie is aangepas by droë savanne en woestyngebied met struikgewasse. Die skilpaaie grawe hulself vir beskerming in die los grond onderom lae bossies in. Hulle vreet klein vetplante, grasse en mis.

Die skilpaaie lê een of twee eiers in die lente of somer in 'n gat. Die kleintjies broei in die vroeë herfs uit.

Verspreiding van die Kalahariskilpad.
'n Kalahariskilpad in die Kgalagadi-vredespark.

Bronne
  • Natuurlewe van Suid-Afrika Duncan Butchart Struik Nature 2012 ISBN 978-1-4317-0248-0
  • Sasol Eerste Veldgids tot Slange & Ander Reptiele van Suider-Afrika. Kaapstad, 2000. ISBN 978-1-86872-188-7
  1. JCVI.org (besoek op 25 Februarie 2010).
  2. Fritz Uwe; Peter Havaš (2007). "Checklist of Chelonians of the World" (PDF). Vertebrate Zoology. 57 (2): 289–290. ISSN 1864-5755. Geargiveer (PDF) vanaf die oorspronklike op 17 Desember 2010. Besoek op 29 Mei 2012.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.