Kaasburger
'n Kaasburger is ’n hamburger met kaas bo-op die vleisflappie. Die benaming is ’n kofferwoord, asook ’n samestelling vanuit die woorde “kaas” en “hamburger”. Die kaas word gewoonlik gesny, waarna dit net voor die hamburger heeltemal gaar is, bygevoeg word, sodat dit kan smelt. Kaasburgers word dikwels met vulsels soos blaarslaai, tamatie, uie, agurkies, mosterd, mayonnaise of tamatiesous bedien. By kitskoseetplekke is die kaas wat kenmerkend gebruik word, verwerkte kaas, hoewel afwisseling kan voorkom, soos Cheddar, Mozzarella, Pepper Jack sowel as Switserse en bloukaassoorte. Die kaas binne-in die kaasburger kan aansienlik van voedingswaarde verskil: 'n Enkele snytjie Cheddar kan 95 kalorieë en 5 gram versadigde vette by 'n burger voeg. [1] Ander soorte en hoeveelhede kaas sal verskille tot gevolg hê, afhangend van hul onderskeie voedingswaardes.
.jpg.webp)
Geskiedenis
Tydens die mid-1920s en 1930s het die kaasburger amptelik die lig gesien; gepaardgaande hiermee is daar etlike aansprake wat gemaak word oor wie nou eintlik die eerste kaasburger gemaak het. Daar word gereken dat Lionel Sternberger die kaasburger uitgevind het toe hy by sy pa se toebroodjiewinkel in Pasadena, Kalifornië, as braaikok gewerk en “proefondervindelik ’n reep Amerikaanse kaas op ’n sputterende hamburger gevoeg het”. [2][3][4] ’n Ander eetplek, Kaelin’s Restaurant, in Louisville, Kentucky, voer aan dat hulle die kaasburger (as húl breinkind) in 1934 aan die publiek begin verkoop het. [5] In 1935 is die handelsnaam (“cheeseburger”) egter aan ’n ander eienaar, Louis Ballast van die Humpty Dumpty Drive-In, in Denver, Colorado, toegeken. [6]
Bedieningswisselvorme
Die bestanddele wat op die kaasburgers gebruik word, wissel op dieselfde wyse as wat die verskeidenheid soorte hamburgers van plek tot plek verskil.
Gewilde vulsels sluit spek, avokado of guacamole, gekerfde pangebraaide sampioene, kaassous en/of rissiesous in. Heinz 57-sous is veral gewild onder burgerliefhebbers. Aan die meer skamele kant word gebakte eier, roereier, salsa, pynappel, jalapeno’s, verskeidenheid rissies, ansjovis, stukkies ham of bologna, peperwortel, suurkool, gerookte of teriyaki-gekruide beesvleis, Tartaarse sous, uieringe of slaptjips gebruik.
’n Kaasburger kan meer as een hamburgervleisflappie hê. ’n Twee-stapel word ’n dubbelkaasburger genoem; ’n trippel/driedubbele kaasburger beskik oor drie vleisflappies en ’n ‘‘quadruple’’/viervoudige kaasburger beskik oor vier. [7][8]
Verwysings
- "Nutrition Information for: Cheeseburger" (in Engels). FitDay. Geargiveer vanaf die oorspronklike op 4 Desember 2019. Besoek op 11 Februarie 2010.
- "Lionel Clark Sternberg obituary". Time (in Engels). 7 Februarie 1964. Geargiveer vanaf die oorspronklike op 23 Augustus 2013. Besoek op 18 Mei 2007.
…at the hungry age of 16, [Sternberger] experimentally dropped a slab of American cheese on a sizzling hamburger while helping out at his father's sandwich shop in Pasadena, thereby inventing the cheeseburger…
- Harvey, Steve (27 Maart 1991). "Only in L.A.". L.A. Times. p. B2.
Cooking at his father's short-order joint in Pasadena in the early 1920s, [Sternberger] experimentally tossed a slice (variety unknown) on a hamburger...
- Perry, Charles (9 Junie 2004). "It's an L.A. Thing; Our burgers are the best with good reason: We made them here first". L.A. Times. p. F1.
- Louisville Facts & Firsts - LouisvilleKy.gov. Stad Louisville, Kentucky. URL besoek op 2006-07-29.
- History of the Cheeseburger Geargiveer 2 Augustus 2018 op Wayback Machine. Besoek op 2 Oktober 2008.
- "In-N-Out Burgers: With an emphasis on quality, this fast feeder shows its rare appeal. (Regional Powerhouse Chains)". "Nation's Restaurant News". 28 Januarie 2002.
- Hall, David (2006-10-24). Society's fast food intake reeks. DailySkiff.com. URL besoek op 2010-02-13.
Eksterne skakels
Wikimedia Commons het meer media in die kategorie Kaasburger.
| Hierdie artikel is in sy geheel of gedeeltelik vanuit die Engelse Wikipedia vertaal. |
