Kaapsehoopbroodboom

Die Kaapsehoopbroodboom (Encephalartos laevifolius) is 'n spesie van die genus Encephalartos wat hoofsaaklik in twee gebiede voorkom: die Kaapsehoopberge naby Nelspruit asook die Piggs Peak-gebied in Eswatini. Die subbevolking wat eens teen die rotsagtige hange van Mariepskop voorgekom het, is nou feitlik uitgestorwe weens menslike faktore en die Fusarium-swam wat hulle keëls aanval.[1]

Spesie in die Pretoria Nasionale Botaniese Tuin

Kaapsehoopbroodboom
Wetenskaplike klassifikasie edit
Domein: Eukaryota
Koninkryk: Plantae
Klade: Tracheofiete
Divisie: Cycadophyta
Klas: Cycadopsida
Orde: Cycadales
Familie: Zamiaceae
Genus: Encephalartos
Spesie:
E. laevifolius
Binomiale naam
Encephalartos laevifolius
Stapf & Burtt Davy, (1926)

Die boom groei regop en word 3 tot 4 m hoog. Dit groei goed in vol son en in enige tipe grond. Soos die meeste broodbome groei dit stadig en oorleef ryp goed; dit moet matig van water voorsien word. Die blare word tot 1,5 m lank. Bestuiwing vind plaas deur middel van insekte.

Die boom se FSA-nommer is 6.[2] In Engels staan die boom as die Kaapsehoop cycad bekend.

Sien ook

Verwysings
  1. Donaldson, J. S. (2009). "Kaapsehoop Cycad". redlist.sanbi.org. Red List of South African Plants, weergawe 2017.1. Besoek op 22 Augustus 2017.
  2. https://www.treetags.co.za/national-list-of-indigenous-trees/

Bronne
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.