Kaapse Kobras
Die Kaapse Kobras was die naam wat gebruik is vanaf die 2005-06-seisoen deur die gekombineerde Westelike Provinsie en Boland eersterangse krieketspan in Suid-Afrikaanse plaaslike krieket. Die gesamentlike Westelike Provinsie en Boland-span was die Westelike Provinsie-Boland genoem tydens die 2004-05 seisoen. Ná afloop van die 2020/21-seisoen is die span tydens 'n hervorming van Suid-Afrikaanse krieket ontbind.[1]
| Six Gun Grill Kaapse Kobras | |
|---|---|
| Aktief | 2005–2021 |
| Spankleure | Tuis: Blou Geel Weg: Oranje Blou |
| Kaptein | Zubayr Hamza |
| Afrigter | Ashwell Prince |
| Tuisvelde | Nuweland-krieketveld Boland Bank Park |
| Webtuiste | Cape Cobras |
Tuisvelde
Die Kobras se tuisvelde was die Nuweland-krieketveld in Kaapstad en Boland Bankpark in die Paarl.
Deelname aan kompetisies
Die Kobras het in Suid-Afrika aan die Sunfoil-toernooi, Momentum 1-dagbeker en Standard Bank Twintig20-kompetisies deelgeneem. Hulle amptelike naam vir borgskapredes was Six Gun Grill Kaapse Kobras.
Verwysings
- (en) Firdose Moonda (8 Maart 2021). "Revamped two-tier South African domestic structure ready to take off". ESPNcricinfo. Besoek op 3 Mei 2021.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.